暑假溜冰班。第三堂

26 July 16 又到溜冰堂。呢堂學既，媽媽都無乜心去錄，都係慢溜緊腳既變化而已。

Isaac 好明顯好ENJOY 溜冰堂。

雖然每次落堂之後，佢兩兄妹都無乜點練返上堂學既野；但見住佢上堂時好用心，其實唔多唔少都好似值得既。希望有朝一日，佢地再落場踩冰時，會記起當天導師教過D乜啦。

Claire: 你做乜裝我呀？？ 我打你架⋯⋯

等到頸都長，終於等到佢地落堂。媽媽幾經辛苦，先叫到Claire 做下佢學左既野出黎⋯⋯嘩，終於睇到了。原來佢溜冰比之前進步左架（按此），因為佢之前邊識咁快轉彎架。

踩冰踩到下午，又係時候搭車歸家去。落車時見到雪糕COUNTER，兩兄妹又嚷著要食雪糕。見出面天氣真係幾熱下，就一人一支當奬勵啦。呢個暑假，呢兩兄妹應該都過得好HAPPY。又食又玩⋯⋯難為媽媽成日做跟得阿四，只影相無得食無得玩。

27 July 16 摛日踩完冰，呢日又去游水。諗起都辛苦（媽媽）。等既時候，無聊錄下Claire 既進展⋯⋯似乎好快咁（按此）。可惜，好景不再，寫BLOG這刻，Claire 已經唔肯再學；反而隔離個位慢過佢既男同學，就學得好好呀。果然不是贏在起跑線就會贏啊！