2013元朗區朗誦比賽奪銀

26 Oct 13 繼之前膽粗粗玩左個朗誦比賽後， 個日Isaac 拎到奬， 跟住就話繼續參加比賽。所以， 個日即走去元朗報名。相隔三周， 要重新學兩首歌， 一首係指定作品， 另一首係比第一次更長的兒歌。媽媽有少少膽心， 估唔到Isaac 好快又背到兩首童詩兒歌。不過又係個句， 媽媽教一套， Isaac 又自己做一套。

ANYWAY， 見Isaac 堅持返自己個套， 就由得佢。睇下平時練習都叫做有少少感情（勉強都有既）。（練習模樣請按此）

氹左Isaac 練左成兩三周， 每日玩一次。終於等到出賽日。呢個元朗區全港兒童朗誦比賽好多人參加。要分三個WHOLE DAY （9﹣6）進行， 真係誇張。仲要比賽完唔會即日知結果。要等到11月1 日在網上公佈。搞到 Isaac 之後有少少失落咁問媽媽， 點解無奬攞。其實唔係無， 只係未知姐。

出場前同魔鬼教師媽媽影張合照先。

呢個比賽全名係咁。

我地個場比賽， 好多強者架， 一聽就知係冠軍級人馬。學野就係呢度學， 聽下人點朗誦講故事， 偷下師。不過唔知Isaac 可以偷到幾多呢？

因為上台關係（第一次比賽無台架）， 呢次第二次比賽，但第一次上台。望住全場咁多人。Isaac 好明顯怯怯地， 加埋仲要傻豬撞到個咪。更加臨場怯一怯。所以媽媽一邊睇， 一邊覺得有少少失準。(現場比賽表現請按此）

好辛苦望到11月1 日公佈結果。出乎意料之外， Isaac 拎到銀奬。估唔到呀。Isaac 繼續加油呀。希望呢D 強心針， 令你無咁抗拒普通話啦。