6 Nov 13 食完飯, 坐車去自由路買太陽餅. 果真成條街都自封太陽堂總堂. 哈哈. 傳聞中個間唯一一間總店, 居然貼左張紙話關門大吉, 無寫搬遷. 唯有揾另一間啦, 我地試左兩間, 一間又係話太陽堂總店, 一間係阿明師. 之前上網睇, 阿明師太陽餅都出名的. 一試之下, 唔駛選, 都係買阿明師.
買完上返車, 去
明森宇治抺茶專賣店 事前出發search台灣食評, 無意中見到有間抺茶甜品店爆哂星. 梗係必去啦, 死人都要唧 d 時間出黎試下. 不過食評寫到無訂枱, 好難有位. 我地平日下午去, 果真係好滿座下. 好在, 侍應諗左一陣, 都肯比枱我地.
 |
| 個門口真係好細架咋. 包車司機都揾唔到, dou左幾個圈至見. |
 |
| 門口有雅座. 好在我地坐裡邊. 不過真係好日式悠雅feel. 裡面靜到呢(d 人唔出聲). 媽媽估最嘈係我地四個囉. |
 |
| 好有綠茶味道的宇治金時, 同埋爸爸見係店內推介, 所以點左既抺茶果子. 不過媽媽唔識欣賞呢塊果子. 無記錯, 係冰的, 會溶架. 但又唔係雪糕. 所以唔可以帶走. |
 |
| 媽媽點的抺茶拿鐵. 卒之比餵食的囡囡搶飲. |
 |
| 爸爸的焙茶拿鐡. 怪怪的, 有陣烘焙味道, 挺特別. 不過還是抺茶合媽媽口味. |
 |
| 免費送的黑糖原味蕨餅(上佢網址有免費coupon download), 好味呀. 好過過要錢買既抺茶果子. |
呢次匆忙的抺茶hightea, 埋單唔貴. 平過香港食日本抺茶. 不過香港暫時無咁正宗既抺茶館囉. 始終香港的抹茶味淡好多. 鐘意抺茶的, 值得一去呢間明森宇治抺茶專賣店喔.
食飽飽. 我地出發去高美濕地睇日落~~~~~又係個句, 想睇星無星, 想睇日落, 全日厚雲密佈. 未出車已經知無日落睇. 不過有時間又包左全日車, 無理由返歸架嘛. 所以, 照去濕地~~~不過五點個天已經黑到咁. 唉.
 |
| 如果有太陽, 相信濕地係好靚. 因為一片無際, 香港揾唔到咁舒服的環境. |
之前一直以為高美濕地同香港濕地公園一樣, 好大可以玩一日. 黎到原來真係一片濕地. 不過就大好多.
 |
| 仲可以捉招潮蟹. 不過好殘忍. 但現場好多人落呢塊泥沼步行. |
 |
| 仲有彈塗魚. 呢個比較難捉. |
 |
| 係濕地門口, 有兩條大彈塗魚. 不過濕地背後有鏟泥車, 都幾大剎風景. |
因為太大風太凍關係(估計係空曠加無太陽), 我地好快就走人. 往酒店華美道會館出發.
地下好時鐘feel, 不過卻係台灣地道精緻會館黎. 都有business man 入住.
 |
| lobby一隅 |
經舊同事介紹, 至book呢間, 地點同內裡設備裝潢真係無得頂. 難聽點說, 同福田瓦舍真係一個天一個地.
我地網上book business suite. 都係二千幾台幣. 但已經好舒服好靚.
 |
| 哥哥話呢幅牆有畫喎. |
 |
至少文華道會館個廁所, 媽媽影得落手先, 嘻嘻.
|
放低行李沖埋涼七點幾.落樓下就係蓬甲夜巿. 就係呢個原因, 我地至book 呢間, 諗住夜晚點爸爸一個人落去買宵夜吖嘛. 點知媽媽幾日都爛咀, 連呢日行夜巿, 見乜都唔想食, 嘥哂.
 |
| 呢間賣哂電視廣告話全台最正木瓜奶. 但媽媽覺得飲落怪怪的. |
逢甲真係好大. 我地行行下, 哥哥頂唔住瞓左. 所以後尾都急急腳返酒店.
文華道會館, 送左兩張逢甲夜巿小販卷, 用左一張排除換出名既大腸包小腸.
 |
| 見到都唔想食, 油淋淋. 夾硬食完都唔知點解咁多人鐘意食. |
 |
| 另一張coupon換左支朱古力香蕉比小朋友. 其實即係雪硬左條蕉, 淋熱朱古力漿咋嘛. 不過唔駛錢, 算. |
爛咀行夜巿, 好多野想食又唔食得, 唯有臨走買左兩支日式麻糬.
 |
| 爸爸芝麻媽媽芝士. 都唔錯, 但唔夠Q. |
行到十點幾, 其實食左好少野. 不過一個瞓左, 唯有返歸. 翌日起身再出發.
沒有留言:
張貼留言