5 Nov 13 因為去年今日, 我地去過飛牛, 一年後又去飛牛, 媽媽就唔想再住飛牛了, 反正入夜都無野做. 所以用左好多時間周圍SEARCH 民宿. 可惜想住既民宿, 一係唔覆(可能太遲至問), 一係覆話個晚佢地外出, 唔招呼人客. 唉, 唯有住呢間車程30分鐘, 睇相又好似好OK既福田瓦舍啦.
嗱, 睇相係四人房觀景木屋. 好似好OK架, 價錢又唔貴. 兩大兩細, 都係台幣2800左右一晚包埋早餐. 見平過飛牛成三百蚊港紙一晚. 呢三百蚊, 成為媽媽動力, 一於試新野.
 |
| 爸爸獨佔既大床. |
 |
| 媽媽和兩兄妹擠埋一齊既叠叠米. |
 |
| 係咪好特別呢? 我地住左邊間木屋. 下邊係餐廳. 呢個外型, 係陳老師(福田瓦舍主人)自己設計, 按火車站做架. 所以有拱型, 拱型上邊係木條黎架, 做成路軌咁款. |
 |
| 福田網址講到自己可以餵鴨, 鴨咪得呢度咁多. 真係 O 哂咀. |
 |
| 魚又係兩三條. |
 |
| 不過陳老師好多都係自植. 咖啡豆啦, 洛神花同埋呢棵係咪木瓜呢? 咖啡豆呢, 媽媽飲落幾好味, 唔苦. |
住過兩晚福田瓦舍, 感覺係唔會推薦, 嘻嘻. 因為廁所實在太有味道了. 第一有懷舊味, 沖涼同馬桶無分隔. 一沖完成間房濕哂. 第二好有陣便便味. 感覺好污糟. 媽媽自己都唔太敢去.
晨早九點幾, 福田的陳老師, 幫我地召左架相熟既的士司機, 送我地去到飛牛牧場. 來回1200台紙(回程送我地去木雕街再返民宿)
 |
| 闊別左一年既大草原 |
 |
| 又係要睇既鴨巡遊 |
 |
| 爸爸話要睇既蝴蝶 |
 |
| 爸爸特登揾既松鼠, 又真係比佢揾到喎. |
因為第二次去飛牛, 今次特登早D去. 所以好多時間. 我地又可以好慢咁食午餐.
可能時間關係, 上年又係食呢間紅穀倉, 今年又係. 不過覺得今年好食過上年. 可能上年趕住時間去玩掛.
食飽飽, 大把時間, 我地係草地玩下飛碟過下日晨.
卒之都係要提早一個鐘走. 個民宿介紹既的士司機, 好求其咁掉低我地係一間無野好睇既私人博物館就走人. 無野睇, 唯有係門口影張雕刻相.
呢個的士司機真係太好人了. 我地由私人雕刻博物館行返落我地想去既食店, 行足一個鐘. 而呢個司機其實知我地未去勝興車站同龍騰斷橋架喎.亦都知我地想去邊間食店食. 但都求其車我地去到木雕行尾, 要我地唔識路, 盲摸摸睇地圖行返落街頭. 真係呢~~~
 |
| 車來車往的街上, 我地兩大兩細行返落去. |
 |
| 個天越來越黑. |
 |
| 終於去到福田瓦舍老闆介紹, 話好味的客家店. |
 |
| 一家四口三個病左, 所以媽媽無買呢D客家糕. |
 |
| 係咪真係咁好食呢??? 右邊係冷盤, 無人吼. 左邊係貢丸湯同雲吞棵.客家棵係幾QQ. 不過晚餐來說, 唔係好夠. |
之後, 我地去民宿建議個間香燭店, 買仙女棒, 係仔仔第一次玩煙花. 不過兩包得三四支勉強燒到半支~~~因為仙女棒係濕哂既. 好一間台中店呀~~~
總括而言, D人話台中人好熱情. 好好人. 媽媽又唔覺.
首先遇著個不老實的民宿介紹司機, 我地已經覺得好呃人FEEL.
跟住, 妹妹行左成個鐘馬路, 人有三急, 成條木雕街無乜廁所, 問左兩間店,都胡亂點, 唔肯借廁所仲要盲點. 激死人.
夜晚買煙花仲要比兩包壞野我地. 只可以話我地呢日不宜旅行呢? 定係台中人唔係傳聞中咁老實同熱情呢?
沒有留言:
張貼留言