台北台中之旅 Day 5 (下) -- 中友兒廁. 愛麗斯混吉. 台中機場

7 Nov 13 去完宮原眼科, 我地又打的去中友百貨. 參觀聞名既兒童廁所. 點知又係個句, 睇乜無乜. 有三層樓裝修中喎, 暫停開放. 真係掃興. 

睇到呢個水牌, 係咪一肚氣吖.特登黎到, 得兩個兒廁可以睇. 

八樓既海洋世界. 一望門口, 兩個小朋友嚇到唔敢入, 呆哂. 

可能入左去, 會比魚食左

 之後, 落左去森林世界個邊, 有隻大獅子係門口等緊小朋友入去架.

仲有一地甲蟲. 

還有係咪蜴蜥??

其實咁陰森既森林廁所, 係咪想嚇到小朋友唔敢去廁所呢?

黎到唔忿氣得兩個廁所睇, 唯有係七樓女廁都影張公主廁所啦. 叫做無白行一趟嘛. 

  話時話, 中友個LIFT都幾特別. 成個時鐘造型既指示樓層.

 之後, 我地由中友步行去愛麗斯餐廳. 之前上網睇話侍應係愛麗斯童話造型, 諗住氹下小朋友開心, 去下啦.

門口好大個蘋果

 餐牌都好多不同口味的PIZZA. 不過迫人食BUFFET, 320台紙任食PIZZA. 小朋友都要算. 但我地一家四口係酒店食到好飽既早餐, 諗起二百幾蚊坐係一間無特別玩意造型既普通餐廳. 我地兩分鐘後即閃人.

叫造黎影過你個愛麗斯蘋果. 

之後, 又未到時間去機場,我地係附近求其一間春水堂飲杯野食件餅. 呢味叫珍珠燒賣, 其實係飯包肉. 好飽. 綠茶餅就幾香. 不過媽媽真係好飽, 唔係好想食.  

 之後, 我也好守規矩, 一早去到機場等等等. 好在機場有一個兒童遊戲間比兩隻馬蹓放電. 呢個台中機場幾好, 個兒童遊戲間比台北還要大兩三倍, 正.

五日四夜每日都有掃興的地方, 不過我地都玩得好開心. 仔仔到現在仲提住要返去飛牛牧場, 要返去福田瓦舍揾隻狗. 視乎呢趟旅程, 為仔仔帶來好多回憶喔.