消防員去生日會

12 Sep 13 呢輪生日會寧舍密， 呢日又要去生日會了。主角係Isaac 新進好好好友， 皆因大家都愛睇韓國卡通片， 所以話題特別多。

我地仲特登係GMARKET 買左件韓國玩具比同學仔TIM。希望進進同學鐘意啦。

人地生日會， 著到成個消防員咁去搶鏡， 媽媽都唔好意思。好在主角媽媽話無所謂。不過， 點都唔夠個旦糕搶鏡。Isaac 見到揭旦糕， 即刻要媽媽去影～～～印象中只有呢次。

點解？ 咪就係呢個公仔囉。係 Isaac 近期至愛黎。

再睇下側面。跟住 Isaac 已經落左旨令， 佢生日會個陣， 一定要訂呢套卡通既公仔， 仲要指明邊個主角TIM（迄今提左好幾次了， 呢位小老人家真係好長氣）

成班同學真係玩得好開心。我地家長都好開心， 因為呢場係得自己同學仔參加， 同埋呢間分店地方大， 坐得好舒服。

仲有呢間分店既生日負責司儀， 唔會玩埋不雅遊戲。真係兒童岩玩既穿波仔。

不過消防員頂帽好似阻住自己玩咁喎。

所以最後索性除左頂帽玩。

臨走， 仲有架汽球汽車比小朋友扮坐。真係GOOD。

小朋友真係好易滿足， 玩一陣就玩完既生日會， 對佢地黎講， 可以開心足一日。不過M記開生日會， 暫時仲未係媽媽考慮之內呢。