又食又玩

6 Nov 13 玩完農場, 翌日我地去左睇其它景點. 其中一個期待的景點, 就係彰化扇形車庫. 係 Isaac 期待已久. 可惜去到, 無火車郁, 都無得上觀景台睇, 我地都有少少失望呀. 

Isaac: 唔緊要啦, 我都可以同架火車近距離影相, 已經好開心架啦. 

Isaac: 等我度下高先. 

Isaac: 其實呢支係咪槍黎架

 之後, 我地去左高美濕地, 咁岩妹妹瞓左覺. 所以呢張相, Isaac 變左做BB. 連個表情都扮埋BB咁款.

不過呢樣明顯BB做唔到, 就係急速爬斜. 

夜晚, 我地去逄甲夜巿, 見到呢間好似好出名既飲品店. 買左杯熱紅豆牛奶比至愛紅豆既 Isaac. 味道如何, 只有佢同爸爸至知. 

夜巿途中, 見到粒大星, 明顯長大了的 Isaac 而家習慣會主動埋去影相. 同以前好唔同. 

呢次夜巿, Isaac無食野咁滯. 不過逢點必岩. 其中一樣就係呢條朱古力蕉. 真係又甜又肥. 不過已經係佢晚飯, 因為呢晚其實Isaac無食野咁滯. 

7 Nov 13 晨早我地趕去宮原眼科食雪糕, 據聞宮原眼科好快排長龍吖嘛, 咪準十點去到, 點知無龍既. 好快買左兩球雪糕. 真係好大杯.

Isaac: 唔緊要啦, 其實我鐘意食甜品多過正餐. 

 正當媽媽忙於影宮原眼科, 爸爸忙於睇手信時, 媽媽幫 Isaac 揾到樣好忙既野, 就係蓋印.

佢地呢個年紀, 真係超愛呢種蓋印玩意. 一個印章, 可以忙好耐架啦,哈哈哈.