古靈精怪遊海洋公園

14 Oct 13 呢日我地無神神走去海洋公園。入到正門， 好多人排隊呀。好在我地有PASS， 不過十點半去到， 乜座都無哂。原來呢日開九點正架。所以我地無表演都無睇， 費事同人迫嘛。

拎住PASS入左去先， 爸爸張PASS過期， 仲係出邊排長龍買新PASS。我地自己入去行下影下相。

Claire: 點解爸爸仲未黎架？我唔想坐BB車呀～～～

 爸爸排左成個鐘， 至可以入場JOIN我地， 不過我地已經行哂魚館。要去食飯LU。萬聖節就到， 冰極餐廳擺哂萬聖節擺設。不過好明顯有個小朋友一點都唔驚。仲伸隻手入去TIM。

Claire: 你擘大口係咪想我剝你棚牙姐？

等位又等左成個鐘， 真係餓死人。下次遇著大時大節有活動， 真係唔好去海洋公園。

Claire: 咁耐仲未有野食架， 餓死我啦。

 好應節既萬聖節兒童餐。

食飽左， 有人又整古做怪。

Claire: 邊個整古做怪呀？

邊個咁核突， 翁埋哂黎影相呢？！

Claire: 咦～～～我食你呀～～～～

Claire: 喂， 你見我咁樣衰， 快D黎幫襯啦， 唔係我食左你架啦。

 今次我地遊園， 一改以往作風， 今次我地臨走至玩兒童樂園。返左學既Claire, 好明顯手腳協調比以往好。而家一個人爬上呢座山， 已經無難度。

同哥哥哥一齊坐小飛象都碌大對眼， 唔知又想扮乜。

大個女左既Claire, 而家出成日街， 都可以忍住唔瞓， 以後我地去遠D既全日街， 都可以唔駛煩， 帶埋架BB車LU。