捱眼瞓遊OP

14 Oct 13 Isaac 最近成日話好耐無去過迪迪尼， 好耐無去過海洋公園。廿四孝爸爸見呢日涼涼地， 一於去海洋公園放下電。

大個仔左既Isaac ， 呢日居然主動揹個袋出街。好叻仔呀， 全程揹住唔會忽然唔記得揹。

一入公園， 見到公仔， 仲主動走去影相。相反阿妹就好勉強， 萬分之唔願意。

Isaac: 我似唔似海獅呀？

十分之愛錫妹妹既 Isaac， 去到海洋公園都要拖住阿妹走。真係好。

Isaac: 唏， 停， 阿妹要扯返條褲先。你唔好影住呀。

Isaac: 阿妹， 我係鯊魚呀～～～

 臨走， 指定動作係去兒童樂園放電。

Isaac: BYE BYE 啦， 我同阿妹自己玩得架啦。你地放心啦。

大個仔左既 Isaac, 今次入左呢架車到， 好明顯唔似一個小朋友了。

呢次我地留到成七點幾至走， 因為 Isaac 猛話要睇火龍喎。不過又話唔驚， 但一開場噴煙花時， 又驚到唔想睇。差唔多全程要媽媽掩住佢對眼。真係吖。捱眼瞓去睇火龍但又唔敢睇， 真係頂佢唔住。