4 Nov 13 之前個日已經有雨, 呢日瞓醒, 阿女彈起身第一時間話要係窗邊睇鴨鴨. 動物仲早起過我地呀.
好, 臨走睇多次間酒店有幾咁神秘, 點解小朋友咁驚先.
 |
| 就係呢個人咁高既鬼面. |
 |
| 影相影唔到, 其實成條走廊都有, 滿佈全層.所以小朋友行親, 都好驚. |
驚完又睇返可愛的動物. 係我地房下邊,有羊群堆. 不過羊角隻隻唔同架, 好似話越老角會越卷.
 |
| 酒店一眼望哂, 好舒服. |
呢日行程, 係食完早餐, 我地出發去六福村主題遊樂公園. 酒店有免費接送往返. 只要即場通知, 會有司機特登載我地去.
去年去台灣, 經摩克動力包車, 個時知佢地有特平小人國入場票賣. 所以, 呢次我地去六福主題公園, 都係經摩克動力買平飛. 平均一個成人慳六十港紙. 都唔少架.
嘩, 一入到公園, 我地第一時間去探動物. 好大隻鱷魚等緊我地呀, 好驚呀~~~~
 |
| 仲有隻人咁大既猩猩 |
我地坐小火車去遊動物區. 人唔多, 媽媽特登排最早, 為左坐車尾, 嘻嘻, 貪無乜人, 前又無人遮, 後又無人擋. 360度睇哂, 唔駛睇人背脊.
 |
| 好少見的白老虎. 好懶呀~~~瞓係度. |
 |
| 從未見過咁靚仔既馬. 馬色真係好靚, 難怪導賞員都話佢係最帥的馬. |
 |
| 縱觀六福公園定六福莊, 裡邊的長頸鹿都瘦到乜咁, 唔通食唔飽? |
坐完小火車, 我地又去坐巴士, 睇猛獸區. 其實所謂猛獸區, 只係個三四種動物. 包括黑熊, 獅子同老虎. 不過唔知點解, 會多左馬蹓, 好似以前馬蹓山咁(不過影得唔好, 費事POST相).
 |
| 嚴重營養不良的獅子. |
 |
| 遊園期間, 爸爸見到咁色彩縯紛既蝴蝶. |
其實遊哂個動物區, 係好快架咋. 之後, 我地去左玩樂區玩. 適逢周一, 無人咁滯. 全部唔駛排隊. 所以我地到一點鐘, 已經行哂咁滯. 係咪好恐怖呢???? 即係話,如果淨係成人去, 預半日都夠. 我地食完飯, 再磨下, 睇下雀鳥表演(即似海洋公園個種雀鳥表演), 就走人了.仲要包車公司唔可以即時提早送我地去第二度. 變左我地白坐係酒店抱住妹妹瞓覺.
話時話, 六福都幾凍下. 好在媽媽臨離開香港, 拎返件風褸. 但都凍到隻野咁. 係我地成個台灣旅程中, 最凍的兩日.
四點坐係酒店等車, 爸爸發現呢個雲海山. 不過媽媽相信, 同合歡山既雲海差好遠呢.
 |
| 黃昏午睡的動物. |
好. 坐到五點, 包車公司準時黎了. 送我地去到飛牛民宿. 呢個時候, 媽媽就好想租車. 至少租車時間彈性D. 唔駛咁磨係六福嘛.
沒有留言:
張貼留言