雪糕火鍋。輕鬆放下電

10 Nov 15 呢日放學，見到有個人仔咁打扮，成個阿SIR咁。一問之下，原來有人學警察咁，掛住個牌係胸袋。笑死阿媽。唔知佢大個左，會唔會真係變左阿SIR呢！

13 Nov15 呢晚，媽媽明明話只係去食雪糕，點知爸爸就叫左個雪糕火鍋，好貴呀⋯⋯不過呢兩兄妹好開心囉。

好努力咁食食食，不停咁LAM朱古力醬。

連妹妹都唔輸蝕，好努力咁撈火鍋食。

話咁快，成盤雪糕比佢地KO哂。

Isaac: 哼，咁快就食哂⋯⋯又唔叫多盤喎⋯⋯

Claire: 我好飽呀⋯⋯食到個肚腩突哂出黎⋯⋯

Isaac: 踎係度，咪見唔到個肚腩囉！

 19 Nov 15  呢日哥哥難得做完功課，媽媽見有少少時間，就放佢地落樓下玩廿零分鐘。都夠開心了。鬼咩，要趕住回家煮飯嘛，唔可以玩得耐。

佢兩個，究竟玩緊乜呢？

哦，原來有個小朋友係度玩羽毛球。

呢位小朋友，最好既精神，就係佢不屈不撓既精神。點都要克服佢想做既野。媽媽好欣賞！

個款好似好有姿勢咁。

當然，係執波多過打波啦。但都滿足到Claire 想打羽毛球既意欲吖。再等大D啦，起碼等到佢小學先至真正學羽毛球啦。到時手眼協調加埋手力，應該都夠應付到打羽毛球掛！