冬天了

4 Dec 15 十二月，終於開始叫做凍了。仲記得上一篇講緊11月底去澳門⋯⋯熱到除哂面衫。呢日，Claire 做哂功課，想落街玩。見仲有少少時間，就係哥哥放學前，陪佢落樓下玩下啦⋯⋯點知，要媽媽陪佢踢波⋯⋯真係傻眼了。

玩左一陣，夠鐘落去接哥哥放學了。途經商場聖誕裝飾，有人見到咁可愛，又走去影。

究竟係裝飾可愛D吖，定係Claire 可愛D呢？

Claire: 梗係我啦⋯⋯我係你個女黎架喎⋯⋯梗係我可愛啦。

返到屋企，同佢講開黎緊WKEND會同姨姨去行山。太耐無行山既佢，好傻氣咁問，行山係咪爬上去⋯⋯係點行既。有埋動作，睇見都覺得好可愛呀。（點此）

9 Dec 15 呢日真係堅凍呀⋯⋯遇著Claire 唔係好舒服。瞓左晏覺⋯⋯之但係，媽媽都要落去接哥哥放學架喎。因為無人睇住Claire 架嘛，獨留家中好危險架。迫於無奈之下，摷醒左呢位小妹妹（其實之前試過幾次，媽媽唔忍心摷佢起身，索性抱住熟睡的妹妹去接放學，不過會抱到手斷）。醒左就求其包住落樓。點知落到校車位，Claire 話好凍⋯⋯好在媽媽袋裡常有大披肩一條，索性就包埋佢條頸。包到成個愛斯基摩人一樣。睇見就心痛。好在我地已經申請左工人姐姐黎，妹妹只係捱多幾個月，就可以選擇留係屋企，唔駛跟住媽咪咁辛苦了。

Claire: 但係我都想跟住你呀⋯⋯我好驚同工人兩個係屋企呀⋯⋯