去郵局學習

23 Nov 15 爸爸帶Claire 去剪頭髮，回家後，媽媽一望就知。當時爸爸仲否認TIM。剪到成個齊輯輯頭，好似內地同胞頭咁，激死媽媽了。

24 Nov 15 呢日，Claire 學校戶外活動，去郵政局學習下。先黎一張合照⋯⋯係義工影比我地的。

齊齊排隊買郵票⋯⋯呢個SHOT，更加睇到Claire 個髮型前後係一個蓋咁，毫無層次呀⋯⋯暈～～

Claire初嚐寄信。之後，Claire 成日都問媽咪，點解仲未收到封信架⋯⋯因為，封信寄返學校，暑假先收返吖嘛。呢樣反而唔係咁好，如果可以翌周比小朋友拆返封信，對佢地呢個主題學習，唔係更加記憶深刻咩。

貼完哂郵票，又要聽下邊個信箱係寄本地，咁先可以寄到封信比同學仔架。之後，Claire 就好開心咁同媽媽分享，郵筒係分開寄本地，同埋寄海外。証明佢企到咁後，都有好留心聽老師講解架。