教會大旅行⋯⋯大棠

8 Nov 15 呢日我地參加左教會大旅行。地點係大棠。一去到，呢兩兄妹就話去坐木馬。

完左崇拜，去到大棠已經下午，夠鐘開餐。小朋友坐埋一邊食，相比其它小朋友，呢兩兄妹真係公認專心又定定地食食食⋯⋯食飽先去玩。聽到都安慰。

食飽飽，Claire 就跟瑩瑩姐姐玩泥沙。

Isaac 就行行企企走到老遠玩下飛碟又玩下波咁。夠哂放電。

下半場，大玩親子遊戲。Isaac 唔肯玩，就比妹妹啦，睇Claire 幾咁難為情⋯⋯因為要父母一齊搭橋比妹妹坐住，父母一齊抱佢過橋。未試過既Claie ，梗係有點兒怕怕。不過媽媽細細個時，好鐘意同姨姨玩呢個遊戲。

之後水，輸到爸爸蒙眼，由Claire 帶路⋯⋯嘩，媽媽好危險喎⋯⋯

Claire: 你放心啦，我會拉好爸爸架⋯⋯

Claire: 睇我行得幾輕鬆⋯⋯
媽媽： 你就輕鬆得過囉⋯⋯爸爸一陣都唔知會唔會仆親呀⋯⋯

玩下玩下，咁又大半日，我地玩到黃昏至走。當然，走既時候，Isaac 好唔情願啦，因為咁又無得同小朋友玩，要打道回府喎。無計啦，唯有等下次旅行再一齊玩囉。