遊OP （妹妹第一次玩激流）

7 Nov 15 爸爸海洋公園張PASS就到期。最後一日，就帶左Claire 去海洋公園，貪佢細細粒可以唔駛買飛吖嘛。

次次見扭波都要一個既Claire，估唔到佢要左把劍。

爸爸去海洋公園最鐘意玩機動遊戲，呢味唔岩媽媽。估唔到，爸爸居然呃左個小妹妹上去玩過山車呀⋯⋯嚇死媽咪了。

Claire:媽咪，我唔驚呀⋯⋯我淨係覺得好熱咋⋯⋯

未開車，仲識笑⋯⋯

我地過去既夏天，好幾次入過山車對面既雪狐館⋯⋯不過都係摸空而回。估唔到呢日，Claire 居然有緣見到裡面既雪狐。回到家，Claire 好興奮咁同媽咪分享TIM。

除左過山車，爸爸好得戚咁話，Claire 係佢前世情人。因為只有妹妹肯陪佢玩刺激遊戲。真係陰公，咁細個比人呃。哈哈哈。

Claire: 哈哈，我仲笑得出架⋯⋯因為架車上緊去咋嘛⋯⋯

 媽媽一望張相⋯⋯就知係有個無知少女，比爸爸昆左上去啦。陰公，睇下Cliare, 驚到面容扭曲。只有爸爸一個人好開心咁笑。難為爸爸

玩完之後，爸爸梗係一味話好玩好玩⋯⋯Claire 一向跟大人，於是又話好玩⋯⋯不過後黎媽媽問佢，Claire 話好驚呀⋯⋯

呢幅未上山既相，Claire 仲識笑。仲笑得好靚架。





































之後，去海洋公園，梗係要去兒童樂園。平時見Claire 跳落黎，唔覺得幾死怖。但呢條片，真係睇完覺得好牙煙呀⋯⋯（按此）

除左呢個之外，細細粒既Claire，跑上兒童遊樂場既斜坡，真係身手好快（上坡／下坡）。一點都睇唔出佢只有五歲。唔知大個左之後，Claire 會唔會係運動健將呢？