迪士尼巧遇同學仔

10 Dec 15 呢日學校假期，本黎約左晴晴去迪迪，點知係入口又見到另一個同學仔芊芊，所以就變成三人行。難得巧遇同學，Claire 笑到四萬咁口。

上小飛象都可以四萬咁口影相，睇黎Claire 呢日真係堅開心。

Claire: 因為有同學陪我玩吖嘛，我梗係開心⋯⋯

無啦啦捉左媽媽一齊去玩轉轉杯。莫非想媽媽轉到頭暈？

Claire: 媽咪，係咪好好玩呢？

 玩完轉轉杯，呢班小朋友仲未轉夠？

Claire: 我地想一齊坐埋一隻杯影相咋嘛⋯⋯

 其實，呢日係熱到爆⋯⋯末日既天氣真係好反覆。明明昨天仲係好凍⋯⋯點知呢日又好熱。估唔到佢咁熱，所以，Claire 一直著住件超厚衫，無衫換無得除。熱足一日，陰公。

Claire: 咁你快D影啦⋯⋯熱溶我啦⋯⋯

 平日唔係好多人，不過排呢架跑車，都排左好耐呀⋯⋯

熱到要食雪條。都唔知係夏天定冬天呀⋯⋯

睇下同學仔各自除哂⋯⋯幾咁涼快⋯⋯Claire 件衫就更顯得好熱囉⋯⋯

Claire: 唔緊要啦，有得玩我都唔覺得熱⋯⋯

媽媽： 你唔熱，我都好熱呀⋯⋯我地玩多陣就要趕返去接哥哥放學⋯⋯
Claire: 哼⋯⋯咁快走⋯⋯

Claire: 等我大步D，行快D去玩，唔係就會玩少左架啦⋯⋯

最後，我地趕得切返去接哥哥放學。如果工人到埗後，咁我地就可以繼續玩。唔駛趕住走了。不過好快就得架啦。妹妹，你再忍耐多陣啦。