去交學費

1 June 11 呢朝爸爸媽媽同Isaac 去學校交學費順便買校服。話咁快兩歲了， 要返N1。私校真係貴， 對我呢D窮人黎講， 未見官先打八十大板， 今日多謝六千蚊， 當然包埋學費同1ST TERM 既食物錢。

太陽好猛， 而家媽媽同阿仔出街，都會記得同佢帶帽， 因為唔帶帽呢， 阿媽隻手變左人肉太陽擋， 比阿仔捉住幫佢遮眼仔。無佢符。

Isaac: 爸爸， 我要帶埋叮噹去學校。

出到門口， 叮噹都係不離手。

不過一去到學校附近呢， 見到遊樂場， 隻叮噹會好自然咁飛左入阿媽個手袋到。真係自然到無人有。唔知點解次次都係塞野比媽媽袋OR拎唔係比爸爸袋OR 拎， 阿媽個手袋幾時變左係幫阿仔袋野既什物袋？

呢朝起身， 阿仔變左豬腳同豬手。呢張相可以睇到比蚊針到不堪入目。

Isaac: 咁你影我呢邊啦， 呢邊無咁多蚊咬痕跡

Isaac 見到SIR 滑梯， 自動自覺爬上去， 可惜呢， 中間個層佢覺得高得滯， 所以唔敢坐， 只係SIR 低個級姐

Isaac: 我都係坐呢層SIR落去算啦

 阿仔坐定定大大聲要阿媽影相， 想唔影都唔得啦。

Isaac: 咦， 隔離哥哥咁大胆坐中間咁高個層既， 我怕怕喎， 媽媽又唔上黎陪我。

玩完高滑梯， 阿仔又逆流而上， 爬上個幼兒滑梯到

Isaac: 唔爬上黎我點SIR返落去喎

時間關係， 媽媽只係比阿仔玩左幾個字， 就係咁催佢走。唉， 媽媽自己都覺得好無癮呀， 可惜奶媽趕住返屋企餵妹妹， 唯有迫仔仔走。媽媽都覺得好差， 但無計， 無理由餓壞屋企個囡囡， 呢個就係做人奶媽既不便， 如果食奶粉可能會好D， 唔駛下下就時間返屋企。希望仔仔唔好怪媽媽啦，因為呢日仔仔真係玩得好開心， 少有地唔肯走， 走個下仲要FING甩媽媽隻手， 表示唔開心。

點解阿囡越來越早起架

1 Mth Day 28 唔知做乜， 明明之前阿囡可以朝早六點左右至起身， 但呢個WK呢， 仲準時過鬧鐘， 五點已經開始嘈。囡呀囡， 你做乜咁早起呀？

Claire: 呢個問題我都要諗下點解

Claire: 你睇我諗到好苦惱啦， 我都未諗到。。。

1 Mth Day 29  Claire: 媽媽， 我今朝瞓得好少咋。我又就黎發作會狂喊架啦

呢日趁爸爸係度， 媽媽叫爸爸試一次點幫囡囡趴低， 因為之前媽媽試過， 嘩， 阿囡喊得仲厲害

Claire: 媽媽， 我好辛苦呀

Claire: 嘩～～～我頂唔順啦， 我要喊啦

搞到沖完涼都喊， 其實係喊眼瞓囉。阿囡第一次著裙仔， 媽媽見囡囡無乜頭髮， 幫佢帶頂帽啦， 點知阿囡仲喊得勁左。

帽仔好似唔襯件裙， 不如又試下條頭帶， 但仲怪相咁

都係乜都唔帶順眼D， 所以呢晚就係咁樣出街街。

1 Mth Day 30 Claire: 再影我相， 我就一拳打爛你個鏡頭架。

Claire: 嘻嘻， 講笑咋

接近兩個月大既囡囡， 成日都對住人笑， 已經對我地講野同笑有反應了。間唔時仲咦咦牙牙黎回應我地既講野。

Claire: 哈哈， 真係開心， 阿媽唔再淨係話我成日喊， 除左喊我仲成日笑架。

1 Mth Day 31 之前一日係咁喊足成日， 由朝早十一點到夜晚十一點都唔瞓， 喊呀喊呀， 足之搞到夜奶都唔食。夜晚十一點昏睡到半夜四點幾， 阿媽真係多謝哂你囉， 繼呢輪五點幾醒， 家下仲早左， 四點幾。

瞓左咁耐， 朝早一副好舒服既伸懶腰樣。

媽媽記得爸爸講過， 阿囡個時玩完呢個趴低玩意， 會好攰瞓得好快。阿媽梗係試下啦

第二次趴低， 阿囡個頭抬得耐左。

Claire: 我要努力抬起頭做人呀

可惜爸爸個套經驗APPLY唔到係阿囡身上， 玩完趴低， 只係瞓左半個鐘咋， 跟住喊功又發作， 做乜野架阿囡你。兩個月黎緊囉， 仲係咁難湊既。叫阿媽點放心返工。

原來阿囡係正常架

1 Mth Day 26  呢日阿媽發現新大陸一樣咁開心， 雖然阿囡呢日開始又喊足成日都唔知佢喊乜，但媽媽真係好開心， 開心既係， 媽媽發現阿囡係正常架～～～原來飲奶樽可以飲到五安。阿囡食量係同佢月齡相對架。

出世到而家， 用樽飲得好差， 試過三個BRAND既咀， 更甚者係其中一個BRAND篤左四個出口位比阿囡飲， 但都要磨一個鐘至磨兩安比你， 最叻都係100ML， 不過都要飲超過一個鐘。奶都凍哂。媽媽頭都大埋， 婆婆爸爸結論係， 奶媽唔該你減少埋身了， 你睇阿妹都唔食樽， 食得咁慢～～～～奶媽又開始相信唔通真係唔食樽， 寧願餓壞自己？ 因為奶媽DAY 1 餵人奶已經深信阿囡埋身食既量， 一定多過用樽既兩安架喎～～～～

因為就黎要返工， 正常掙扎好無唔埋身時， 忽然醒起之前無意中睇到同期的媽媽係網上寫過換左二號咀。咁岩之前一日有個同期媽媽話佢個BB已經用緊大碼咀～～～嘩， 當然啦， 佢個BB 係大食精又係男仔， 不過媽媽就當頭捧喝， 唔通阿囡食樽咁差係因為咀細得滯？ 於是即CALL爸爸買中碼咀。一飲呢， 飲左五安， 嘩， 媽媽開心哂， 原來阿囡食量係正常架。

Claire: 媽媽， 終於換左咀啦， 我可以食得輕鬆D， 我都想我快D長多D肉出黎架

Claire: 摛日影左話我似大佬既相， 不如今日影下我側臉，其實好女仔下架

唔食奶咀既妹妹， 一日到黑塞個拳頭入口， 仲越來越搏命咁塞， 雖然仲未食到手指入口， 但媽媽相信指日可待。

Claire: 仲唔比我塞到入口。。。

Claire: 媽媽， 我都唔係成日塞拳頭架， 你睇我而家無塞呀。

1 Mth Day 27  呢日第二次用新咀食樽， 食左160ML， 媽媽好貪心， 想試180ML， 不過阿囡一去到160ML好似食滯左咁唔郁， 唯有算。

Claire: 無呀無呀， 我投左降啦， 我無食手架。

Claire: 比你睇下個口啦， 我個口無拳頭架。

Claire: 其實點解媽媽你唔鐘意我食手手架？

呢朝阿囡又搏哂命喊， 真係唔知佢喊乜。不過阿囡瞓林左個樣， 又真係幾可愛既。

賴野的兩天

1 Mth Day 22 晨早流流阿媽幫囡囡換片, 爸爸就係度偷影, 好在無影到重要部位姐.

Claire: 咪係, 影人地換片都有既, 人地女仔黎架嘛

Claire: 好悶呀, 等我YOUNG下腳仔先

Claire: 呵~~~好眼瞓. 又瞓唔著, 點解阿媽同哥哥成日坐我隔離又跳又唱歌架, 阻住我瞓覺呀.

可惜任憑媽媽同阿仔點唱點跳點揮動樂器都好, 阿囡未夠鐘就會恰著左, 嘈唔醒, 激死. 不過媽媽每次都好享受同阿仔一齊唱歌跳舞既MOMENT架, 係媽媽老年時的回憶黎.

1 Mth Day 23 成晚係咁喊, 搞到翌日昏睡不醒.  

呢晚凌晨, 媽媽比爸爸個噹噹嘈醒左, 原來阿囡昏睡左, 爸爸用好殘忍既方法去嘈醒囡囡食奶. 媽媽見到真係唔忍心呀, 翌朝自己試下個噹噹, 真係自己都頂唔順, 噹多幾次自己都會失聰. 所以媽媽決定自己餵返LAST個餐奶. 就係咁, 又賴野了.

呢晚慘囉, LAST個餐係十點幾埋身餵, 爸爸用盡各種方法都DELAY唔到阿囡需求, 唉, 阿囡半夜四點幾已經喊肚餓, 媽媽半夜三更餵完奶返床瞓已經五點幾, 點算好呢?

1 Mth Day 24 

 可能媽媽又係太攰, 要半夜四點幾起身餵奶, 晨早又要跟返TIMETABLE六點幾又起身餵奶, 搞到呢日媽媽好似無乜奶咁. 因為賴左野, 又攰, 奶媽決定呢晚都係照舊把啦, 不過叫爸爸唔好再噹阿囡, 佢食就食, 唔食就算.

點知仲衰, 阿囡掂個樽都唔肯, 卒之又係要埋身, 又衰左, 因為晨早五點幾開始搏命喊.

1 Mth Day 25 Claire: 唔好咁啦, 其實我好嗲架

Claire: 我係大佬翻版黎.

Claire: 我橫睇掂睇都係大佬樣啦, 大個左我仲好似佢咁, 把口氹死阿媽架, 你地比心機湊大我啦.

 Isaac: 衰妹又幾似我喎.

Isaac: 點解個頭好似有野頂住咁唔舒服既

話說Isaac 滿月後, 已經好ENJOY自己發掘玩意, 就係向張床九十度自轉, 係都要上下頂住自己至安樂. 阿囡而家又係咁, 不過就無Isaac 玩得咁誇張.

可能妹妹無頭髮, 成日比人話似男仔, 之但係, 擺明佢同Isaac一個餅印, 但當年Isaac又成日比人話似女仔, 究竟邊個似女仔呢? 咁睇其實妹妹真係一個女樣, 至少無左阿仔當年一副牛王精既神情先.

食拳頭

先要補充一下， 妹妹好叻， 由1個月15天大開始， 到呢日（TOUCHWOOD）都戒左夜奶了， TOUCHWOOD好STABLE咁六點幾至起身OR 由媽媽六點幾摷佢起身食第一餐奶， 希望阿囡KEEP住咁就好了。

另外， 阿囡張床應該有野咬， 點解咁講？ 因為阿囡每日好準時架， 食完傍晚個餐奶後， 一瞓上床就會喊個不停， 喊到晚上十一點幾。以為佢埋身唔飽啦， 有幾餐用樽餵， 一樣係上床就擘大口喊， 媽媽真係好想問人， 究竟點解會咁架～～～有無人知呀， 除左張床有野咬外， 仲有無其它解釋呢

1 Mth Day 20 Claire: 媽咪， 我慣左出院DAY 1 開始， 爸爸晚晚抱住我瞓吖嘛，而家佢唔想再抱我， 我好唔慣咪晚晚喊囉。

Claire: 媽咪呀， 你話比爸爸知， 其實我都似佢架。叫爸爸唔好唔理我啦， 你都知我好可愛好嗲架啦，我想嗲多D爸爸，等爸爸陪多D我咋嘛。我又唔識講咪唯有喊囉

爸爸成日同媽媽投訴， 阿囡成日恰佢喎，因為凌晨都唔瞓， 兩個鬥互啤， 啤左好耐至忽然瞓著。一係就晚晚不停喊， 塞奶咀都唔食， 要佢抱至收聲， 仲唔係恰爸爸？

個半月大既阿囡，一早已經有口腔期， 不過呢輪更明顯，成日塞拳頭入自己口， 可惜佢手又唔夠長， 塞唔入， 只係LAM 下LAM下咁。好在只係拳頭唔係食手指。

Claire: 等我諗下計仔,  點至可以令爸爸更鐘意我先。

1 Mth Day 21 晨早流流醒左又玩食拳頭， 不過呢， 永遠唔會食住自己隻手黎瞓著。LAM拳頭只係阿囡無聊無人理佢時， 一個玩意黎。

Claire: 咦， 甩左手TIM

Claire: 塞歪左。。。。

Claire: 終於塞岩位

Claire: 乜隻手成日甩架。。。。又LAM唔到手TIM

Claire: 唔LAM拳頭真係無乜野好玩喎。。。。

Claire: 都係繼續LAM拳頭算

做人奶媽唯一心願係見到阿囡長肉， 呢張相真係呃得下人， 嘩， 對小腿粗到呢～～～同出世個下爭幾遠。。。。不過只係咁岩呢張相睇落粗姐， 事實對腳都仲係好幼下。