TRAINING 1﹣3天

1 Mth Day 7 因為實在頂唔順阿囡日喊夜喊， 所以呢日媽媽問返當年教媽媽SET TIMETABLE 既朋友拎返個TIMETABLE 出黎。其實過去一個月都有跟TIMETABLE架， 不過只係跟餵人奶SET 時間， 唔比佢隨時都飲。但瞓覺就唔識SET因為阿仔當年係兩個月至跟TIMETABLE TRAIN佢， 媽媽唔知初生嬰要唔要全日瞓， 個時問陪月， 陪月又話初生嬰唔駛跟TIMETABLE比佢清醒架， 由得佢瞓。足之阿囡就全日喊。

呢日媽媽決定跟足朋友指引， 食完奶唔淮瞓一個鐘， 嘩， 呢日好掂喎～～～除左夜晚之外。

Claire: 媽媽， 爸爸唔鐘意你咁TRAIN我架。。。。你放棄把啦

呢日撞正奶媽發燒， 但奶媽都係堅持要跟TIMETABLE做人， 辛苦一日好過之後辛苦無了期。

奶媽計過時， 阿囡第一天比人TRAIN， 食完奶夠鐘瞓覺， 除左夜晚個次外， 其餘係可以自己瞓著， 最長係喊足50分鐘就瞓左。奶媽病住都覺得好開心。

阿囡腳骨力似乎同阿仔有得揮， 一陣就喊到成個人歪哂， 成個斜角出哂黎。不過阿仔個時係可以九十度咁再180度咁YOUNG到自己成張床瞓勻哂。呢個就係男仔同女仔既腳骨力既分別。

TRAINING 第一天， 夜晚可能奶媽病住無乜奶， 搞到阿囡食完八點幾就瞓唔返， 搏命喊唔收聲，又或者慣左夜晚爸爸抱住瞓所以習慣性喊要人抱。

1 Mth Day 8 Claire: 媽媽辛苦你啦， 你今日好返未呀？

Training 第二天， 咁岩有朋友上黎， 之前滿月個日黎過見識過阿囡既倔強誓要人抱不停喊既喊功， 呢日上黎見到阿囡咁聽話自己瞓左， 都話阿囡同上次差好遠。

呢日阿囡喊眼瞓既時間最長係縮短至30 分鐘。

不過夜晚個餐一樣係喊到收唔到聲～～～其實應該話係有人忍唔住又要抱囉， 個位就係婆婆了。抱起又放抱起又放， 搞到阿囡喊功磨足一晚。

之前以為阿囡戒左夜奶， 原來係爸爸見奶媽病左， 特登等到成點幾兩點至餵樽， 所以阿囡至可以瞓到六點咋， 辛苦爸爸了。原來唔係阿囡知奶媽病左特別生性唔半夜起身。

1 Mth Day 9 又一力証阿囡腳骨力唔可以睇少， 明明一個重約一磅多既米袋壓住張被， 都可以心阿囡瞓瞓下YOUNG 開哂（連埋個米袋）。睇少陣都唔掂。

 媽媽：囡呀囡， 你唔喊驚人個樣係幾得媽媽歡心既

Claire: 乜淨係唔喊個時至得你歡心咋。。。。。我唔制呀

。。。即喊比你睇，死未？？？

TRAINING第三天， 阿囡喊既時間又縮短左， 基本上日頭唔會喊超過30分鐘就自己瞓著。媽媽真係覺得輕鬆好多， 精神無咁大壓力先。不過爸爸到呢晚仲係唔喜歡咁TRAIN 妹妹， 係咁話咁樣即係唔比佢瞓～～～其實妹妹食完奶唔瞓一個鐘之後瞓得林左。。。。應該係比之前個月瞓得多左至岩呀。不過算啦，廿四小時對住阿囡個位唔係佢， 爸爸唔會明架啦。媽媽都費事同佢拗， 等阿囡比人TRAIN到咁上下， 好似當年阿仔咁食瞓玩都定時，爸爸唔怕再帶妹妹出街見人時， 爸爸口吻就會變哂， 呵呵。

TRAINING 第三晚婆婆無出現， 我地由得阿囡喊， 由塞飽左佢到佢開始發功喊， 十分鐘瞓著左， 可惜比爸爸嘈醒左， 之後又喊返。不過呢十分鐘， 媽媽都覺得好叻架啦。

仲有， 呢日爸爸最夜個餐係12點餵奶， 妹妹居然可以瞓到六點至醒， 唔通真係戒左夜奶？