賴野的兩天

1 Mth Day 22 晨早流流阿媽幫囡囡換片, 爸爸就係度偷影, 好在無影到重要部位姐.

Claire: 咪係, 影人地換片都有既, 人地女仔黎架嘛

Claire: 好悶呀, 等我YOUNG下腳仔先

Claire: 呵~~~好眼瞓. 又瞓唔著, 點解阿媽同哥哥成日坐我隔離又跳又唱歌架, 阻住我瞓覺呀.

可惜任憑媽媽同阿仔點唱點跳點揮動樂器都好, 阿囡未夠鐘就會恰著左, 嘈唔醒, 激死. 不過媽媽每次都好享受同阿仔一齊唱歌跳舞既MOMENT架, 係媽媽老年時的回憶黎.

1 Mth Day 23 成晚係咁喊, 搞到翌日昏睡不醒.  

呢晚凌晨, 媽媽比爸爸個噹噹嘈醒左, 原來阿囡昏睡左, 爸爸用好殘忍既方法去嘈醒囡囡食奶. 媽媽見到真係唔忍心呀, 翌朝自己試下個噹噹, 真係自己都頂唔順, 噹多幾次自己都會失聰. 所以媽媽決定自己餵返LAST個餐奶. 就係咁, 又賴野了.

呢晚慘囉, LAST個餐係十點幾埋身餵, 爸爸用盡各種方法都DELAY唔到阿囡需求, 唉, 阿囡半夜四點幾已經喊肚餓, 媽媽半夜三更餵完奶返床瞓已經五點幾, 點算好呢?

1 Mth Day 24 

 可能媽媽又係太攰, 要半夜四點幾起身餵奶, 晨早又要跟返TIMETABLE六點幾又起身餵奶, 搞到呢日媽媽好似無乜奶咁. 因為賴左野, 又攰, 奶媽決定呢晚都係照舊把啦, 不過叫爸爸唔好再噹阿囡, 佢食就食, 唔食就算.

點知仲衰, 阿囡掂個樽都唔肯, 卒之又係要埋身, 又衰左, 因為晨早五點幾開始搏命喊.

1 Mth Day 25 Claire: 唔好咁啦, 其實我好嗲架

Claire: 我係大佬翻版黎.

Claire: 我橫睇掂睇都係大佬樣啦, 大個左我仲好似佢咁, 把口氹死阿媽架, 你地比心機湊大我啦.

 Isaac: 衰妹又幾似我喎.

Isaac: 點解個頭好似有野頂住咁唔舒服既

話說Isaac 滿月後, 已經好ENJOY自己發掘玩意, 就係向張床九十度自轉, 係都要上下頂住自己至安樂. 阿囡而家又係咁, 不過就無Isaac 玩得咁誇張.

可能妹妹無頭髮, 成日比人話似男仔, 之但係, 擺明佢同Isaac一個餅印, 但當年Isaac又成日比人話似女仔, 究竟邊個似女仔呢? 咁睇其實妹妹真係一個女樣, 至少無左阿仔當年一副牛王精既神情先.