TRAINING 4﹣5天， 每日一照斷左了

10 MAY 11 

TRAINING 第四日， 阿囡呢日唔知做乜， 拍極都唔醒， 食奶又瞓， 要清醒個時又瞓。不過媽媽照比嘈音佢聽等佢點瞓都無咁林先。

瞓到好林既樣。

成日都無乜點喊～～～～除左夜晚七點個轉食完奶後又喊30分鐘至瞓得著。

不過呢日呢， 媽媽夜晚出左去， 就係咁，明明晚晚都飲完八點幾餐奶， 十點幾阿囡晚晚都喊到九彩到食多幾啖至瞓到覺既， 呢晚全屋人就由得佢喊到成凌晨十二點媽媽返到去至餵， 激死媽媽。陰公阿囡就係咁喊到呢，又瞓唔到， 媽媽睇見都心痛。

就係因為MISS左十點幾個餐， 凌晨至食， 搞到呢日呢， 又黎多次四點幾喊起身食夜奶。媽媽就發癲了， 一路餵一路諗， 如果有人餵十點幾個餐， 阿囡同媽媽都唔食半夜起身， 越諗越嬲。仲搞到自已瞓唔著， 睇住太陽出黎， 清晨五點阿仔醒埋， 坐係到不停咁講野， 煩到阿媽要死咁滯。

11 MAY 11

TRAINING第五天

因為呢朝清晨四點幾起左身， 成日都無乜精神。所以呢日忘記左幫妹妹影每日一照呀（賴得就賴）

唔知係咪阿妹幾日都無試過半夜起身食夜奶， 所以呢日阿囡全日都好忟，之前幾日TRAIN返黎既喊幾聲就瞓既PRACTISE無哂。仲要邊瞓邊嗌OR 喊下瞓下咁， 睇見佢就瞓得差。

不過都算係可以自己瞓到囉。最開心係呢晚爸爸開會好夜返， 工人掛住執埋手尾瞓覺（其實呢日已經無煮飯， 不過工人都好忙咁搞到九點幾至衝入廁所沖涼）， 得媽媽一個人一對手對付兩件大小魔怪。。。。哈哈哈， 媽媽居然搞得掂喎。。。。。全靠妹妹發功大喊既時間係延至晚上十點至發作。呢刻媽媽就鬧阿仔要即合埋眼瞓， 阿仔真係即合埋眼瞓左， 咁比妹妹喊半個鐘左右， 媽媽就去餵埋十點幾呢餐了。跟住泵埋奶， 全日工作完結， 可以瞓覺去也～～～不過已經凌晨十二點。