爸媽的開心果

4 May 11 湊初生雖然係好攰， 尤其係晚上最繁忙， 因為工人要洗煲煲碗碗撞正阿囡永遠都係喊緊既晚飯時間加埋阿仔又要準備瞓覺時間， 三樣加埋， 基本上無四隻手出黎係搞唔掂既。因為阿囡既喊聲永遠令到阿仔不能入睡。總要有人專程氹阿囡收聲。

晚晚都咁攰， 好在爸爸媽媽仲有粒開心果， 就係阿仔了。爸爸媽媽好攰好攰時， 見到阿仔好聽話， 就開心。仲要間唔時擺埋 D 引人笑既動作， 就更令爸媽歡懷大笑。呢晚阿仔就係到玩瑜珈定了。

話咁易兩隻腳板掂到額頭， 細路仔骨真係軟。

Isaac: 等我再黎多個慢版你睇， 爸爸媽媽你地都跟我做啦。

Isaac: 我仲可以咬到自已小腿架， 你得唔得吖？

5 May 11 呢朝媽媽摷返之前買既餅餅出黎， 比左一塊阿仔食， 食到佢LAM LAM 脷， 仲變左咁既樣。呀， 細路真係細路， 媽媽同佢講， 黎， 媽媽同你影張相， 阿仔真係即踎低擺哂POSE～～～～呵呵， 可惜阿媽好衰， 只係CLOSE UP 你個咀姐。等你大個睇返都笑下自已吖嘛

Isaac: 媽媽， 我呢個POSE得唔得呀？    媽媽心諗： 我只係想影你個咀咋嘛， 你擺乜pose姐。