家庭樂

10 May 11 呢日係紅日， 爸爸BOOK左TEA BUFFET一家大細一齊去， 媽媽好開心呀， 唔係有得食， 而係由臨近生個一個月到坐月前後加埋兩個月， 我地成家人都無出去玩。

阿妹呢日好似食左安眠葯咁， 成日都好眼瞓昏睡左， 點拍都唔醒。揹住去到放埋落車都無整醒佢。

TEA BUFFET第一味係甜品， 飯都未食既阿仔， 瞓醒就係咁比爸爸塞佢食甜品， 真係呢。。。。

 Isaac: 媽媽， APPLE JUICE 好好飲呀         媽媽：點解你飲APPLE JUCE架， 媽媽明明叫你飲左杯水至開始飲APPLE JUICE架嘛

Isaac: 朱古力雪糕好味～～～

足之呢次阿仔既午餐係甜品一大蘿。所以佢食到好開心。

Isaac: 媽媽， 你點知我好開心架？

食完我地經過LOBBY阿仔仲開心， 見到鴨鴨係咁跑埋去影相。

Isaac: 我推車仔呀媽媽

Isaac: 點解架車唔郁架， 係咪壞左。

臨走， 諗住黎一張全家照， 可惜阿妹上唔到鏡。激死。

 

道具車推唔郁， 阿仔索性推阿妹架車， 仲推到好開心， 足之推到屋企門口囉（除左上車個下無得比佢霸住架車外）

 睇阿仔四萬咁口就知呢個新玩意好好玩啦

Isaac: 工人你休息啦， 等我推架車返屋企。         工人：咁你唔好推推下比返我呀

11 May 11 阿仔平時係屋企既玩樂， 除左係咁跳， 係咁叫，同一堆太多太多既玩具外， 仲有係同工人一齊抺屋， 就係佢其中一個玩樂黎。仲要抺得好開心

媽媽偷影左一幅。

呢頭影完， 個頭阿仔見到媽媽係廁所門口， 就笑住同媽媽講： “嘩， 好多BUBBLE， 軒軒好勁。媽媽影相。”

好搞笑， BUBBLE 邊係阿仔你抺出黎架， 係工人係裡邊噴咋嘛， 天真既阿仔以為自己抺到有BUBBLE 好勁， 真係比佢搞到笑左出黎。

跟住媽媽聽佢講拎部相機啦， 吖， 阿仔仲要真係望鏡頭黎影相喎， 真係笑死媽媽。Isaac: 快D影相啦， 睇下我幾叻

仲要四萬咁口笑住黎影。

抺完呢塊又抺另一塊玻璃。阿仔你第時大個都咁幫手就好囉， 阿媽唔駛做咁多野， 呵呵呵