奶媽得救？？

1 Mth Day 4 晨早阿囡又發作， 係咁喊。

喊到傍晚， 真係心都煩埋。

Claire: 嗚嗚嗚， 仲未有人抱我氹我呀～～～

1 Mth Day 5 呢朝奇蹟發生， 阿囡晨早九點幾居然可以食住奶咀瞓。一瞓瞓到十一點食奶都唔醒。

奶媽呢朝不知幾開心。可以精神上休息一下。

到下午個覺， 阿囡又係可以食奶咀瞓著喎。奶媽發夢， 唔通轉性以後可以有好日子過？

以為阿囡好勁啦， 晚上打比爸爸報喜， 點知呢頭收線個頭阿囡又古態復萌， 喊爆左成個晚上， 唔肯再食奶咀瞓， 激死。

1 Mth Day 6 呢日全日阿囡只係朝早一覺肯食奶咀， 之後都係繼續喊到斷氣都唔收聲又唔捨得瞓

Claire: 喊左成日好攰， 等我回下氣～～一陣咁多。

下午兩點幾喊到晚上七點， 終於捨得自己入睡～～～～十分鐘咁多。跟住又大喊繼續好精神咁喊， 喊到晚上十點幾至肯收聲瞓覺。奶媽好頂你唔順， 究竟阿囡你想點？