阿仔興趣節錄

成日話阿仔鐘意跳舞, 可以不停跳成15﹣20分鐘都唔會停落黎， 精力真係好驚人。但就一直無錄過阿仔跳跳紮既樣。好難得呢晚阿媽咁有興致錄低左。其實呢條片算靜啦， 因為妹妹出左世， 媽媽教阿仔唔可以咁大聲，之前阿仔開住音樂結他又開埋個音樂墊仲兩手拎住樂器係咁FING， 真係耳仔都聾。

Isaac: 媽媽， 一齊跳啦， 幫你減肥架。

除左音樂同跳舞， 阿仔仲好鐘意學大人做既野。除左家務，新既野就係餵奶奶， 除左餵阿妹飲奶， 家下仲拎埋隻RODY出黎， 不過RODY飲奶係咁既

一個碗就咁給埋去就係叫飲奶。

除左餵奶， 阿仔仲鐘意洗衫， 呢張綠色凳係阿仔發明當係洗衫用既。

Isaac: 媽媽， 你仲有無衫要洗呀， 一齊拎黎啦。

一副好認真既姿勢同樣囉。

最大興趣都係食， 拎住塊餅一路食一路講野， 搞到地下都係餅碎

Isaac: 隻貓貓被被係入邊呀媽媽～～～

自從媽媽懷孕後， 都無同阿仔沖涼了， 生左BB更加無啦， 因為無得踎低。可能要再等多幾個月， 媽媽至敢同返阿仔沖涼。到時媽媽就一個人照顧哂兩兄妹既沖涼環節了。

幾個月無同阿仔沖涼， 阿仔新玩意係SWIMMING， 不過個盆唔夠大呢。但阿仔都玩到好開心咁， 次次都唔願上水架。