一家貓頭鷹: 6月 2011

2011年6月30日星期四

可悲的媽媽

2 Mth Day 29 Claire: 你話比媽媽知，我想媽媽唔好返工，陪我玩吖。

Claire: 婆婆，你聽唔聽到我講野呀？

呢晚阿囡瞓到翌朝六點幾，真舒服，媽媽好幾天無連瞓五個鐘了。多謝你囡囡。

2 Mth Day 30 Claire: 嗚嗚。。。我都唔想架媽媽，我都想你舒服D一口氣瞓到五個鐘架。

Claire: 但我仲未控制到自己，你睇我而家幾眼瞓就知啦。日頭周公黎就擋唔到，咪搞到半夜要起身飲奶囉。

基本上經過一周記錄妹妹作息時間，妹妹九成機會朝早食完六點幾餐奶後，係會昏睡到早上十一點個餐奶，跟住就短恰半小時共兩次，直踩到夜晚了。不過朝早唔比妹妹瞓又唔得喎，因為唔比佢瞓呢，阿妹會發忟，跟住11點餐奶會鬥氣唔食跟住喊足全日。所以媽媽都係屈服左比妹妹，由得妹妹自己朝早瞓幾多就幾多啦。反正佢下午都唔瞓，咪由得佢朝早瞓飽佢。

不過呢日就有少少好D，因為妹妹下午加埋瞓左兩個鐘架啦，好過平時一個鐘。所以夜晚惡夢咪黎囉，夜晚由過去一周都八點幾瞓著揾周公，因為呢日日頭瞓多左一個鐘，卒之十點至瞓到。。。。。WELL，半夜四點醒左。媽媽真係摸不著頭腦，唉。不過好似媽媽已經習慣左半夜起身了，真可悲。

預演全職媽媽生活之揾節目

1 July 11 好耐無同ISAAC去圖書館了，趁呢日假期，媽媽決定晨早餵完妹妹食奶奶後，一個人帶阿仔出街街。留返爸爸同妹妹係屋企一齊大昏睡。晨咁早仲落住毛毛雨，無損我地去圖書館感受下書卷氣息。

Isaac: 媽媽，去圖書館可唔可以帶埋叮噹入去架

同之前一樣，入到去，摸完書就係跑去個閱讀台到。我地咁早入到去，幾乎張張枱都吉既，阿仔徧唔正經坐，卻係跑上台到坐。好在媽媽有哂經驗，呢日係著褲同佢去圖書館，至可以一齊坐。

不過仲係好細既仔仔，唔似得人地咁靜靜地睇書，無論媽媽拎邊本書都好，最吸引ISAAC眼目既，都係周邊既小朋友。所以媽媽好快決定執幾本故仔書借返屋企算。因為我地仲要去睇醫生。

成臉爛哂，重災區依然係個咀。醫生話係濕疹喎，天氣一變就係咁。可能呢個星期，婆婆工人都無開冷氣，有兩日媽媽放工返到去，仔仔成身熱到痴淋淋，唔知係咪咁，搞到皮膚惡化。

近鏡可以睇到塊臉係出哂粒粒。ISAAC 呢幾日係咁嗌好痛，可能呢 D 粒粒真係痛啦，因為媽媽無出過，唔知係咪痛了。

除左去圖書館借書外，媽媽仲培育仔仔成為一個有文化修養既小朋友，因為我地仲入左大會堂睇下有乜音樂節目可以睇。咁岩比媽媽見到HARRY哥哥 SUMMER 有互動表演喎，點知買飛時，話全港已經FULL HOUSE。唉，下次真係要密密留意大會堂既POST至得。不過咁，對鐘意音樂既仔仔黎講，吸引佢唔係HARRY哥哥互動表演，而係一張又一張既樂器演奏會既POSTER。所以媽媽都買左兩張演奏會飛。。。。。原來仔仔兩歲都要門票入場架。所以唯有買兩張。好在呢個演奏會都唔係好貴姐。

黎緊既全職生涯，媽媽相信都好多日子會同仔仔踎大會堂睇下呢 D 懶係有文化修養既節目。所以呢朝只係比準全職媽媽黎一個熱身，兩周後做全職，就會一個人成日同仔仔睇呢D節目了。都唔知係仔仔陪媽媽揾節目吖，定媽媽幫阿仔揾節目了。

不過做全職奶媽真唔易，媽媽已經好早出門，但都要睇時間做人，搞到圖書館啦，大會堂啦同睇醫生呢幾個環節，都好趕頭趕命。因為媽媽仲要返歸餵妹妹食奶，免得要爸爸操勞餵奶樽嘛。趕頭趕命跟住仲要揹住袋書，真係好耐無揹過咁重既袋了。不過呢D 日子應該黎緊大把媽媽嘆。

2011年6月29日星期三

似模似樣

29 June 11 阿仔鐘意玩結他因緣, 要數返好耐之前, 媽媽臨瞓同阿仔講左個故仔, 故仔個男主角彈結他比媽媽聽. 自此之後, 仔仔最鐘意聽有關彈結他的所有故仔, 甚至愛上玩結他tim.

呢個兒童結他, 到今日都玩左成兩個月囉, 阿仔仲係好鐘意彈. 有時仲會拎支棍出黎扮係彈小提琴. 唔通阿仔真係有音樂天份?

音樂天份唔知有無, 但扮野天份肯定有. 除左彈結他外, 阿仔仲好鐘意扮歌手咁企係度揹住結他 un 下 un 下, 可惜兒童結他對佢黎講仲係好大舊, 所以當佢企係度要的起結他時, 兩隻手就唔能夠彈到. 所以, 似返個樣彈得出音既pose, 就係要正正經經坐係到彈, 但隻腳都會自己跟節拍 un 下 un 下.

真係似模似樣架.

Isaac: 我大個想自彈自唱表演.

Isaac: 唱乜歌好呢?

一副好愁既樣, 呢個時候通常係佢諗緊唱乜歌好既表情黎.

唔知到妹妹大左, 兩兄妹會唔會由朝唱到晚, 一個唱一個彈跟住要迫老年既媽媽跳舞

2011年6月28日星期二

識叫爸爸??

2 Mth Day 26 阿妹而家開始脫胎換骨, 已經同以前由朝喊到晚既性格好唔同. 而家變左係成日瞓, 成日笑. 真好. 爸爸都開始話妹妹可愛了. 如果爸爸可以多點時間同妹妹玩就更加好了.

Claire: 而家至識話我可愛, 會唔會太遲呀?

媽媽平時返工放工時間都趕住埋身餵奶, 實在無乜時間同妹妹玩趴低. 趁呢日周日又唔駛出街, 媽媽同妹妹趴下, 點知阿妹懶到死, 趴低左真係唔郁喎, 仲要一副好嘆既樣, 激死.

呢日難得爸爸同妹妹換片時, 爸爸話聽到妹妹叫佢爸爸喎. 係真唔係呀? 媽媽真係未聽過. 不過咁, 兩年前既呢日, 爸爸都係聽到 Isaac叫媽媽的, 媽媽亦都係聽唔到. 至今仍是個謎呀.

Claire: 我叫多 d 爸爸, 咁爸爸咪冧 d 囉, 會多 d 陪我吖嘛.

2 Mth Day 27 Claire:爸爸, 我呢個pose夠唔夠冧死你呀?

呢晚要出去食婆婆大壽飯, 一家四口攰到屎至回到家. 跟住惡夢就黎了, 因為妹妹而家已經係好早瞓, 八點左右己經好眼瞓, 但酒樓又嘈, 磨到凌晨十二點至瞓到. 搞到妹妹半夜三點又醒要食奶, 媽媽見到都心痛. 眼瞓屎妹妹囉.

Claire: 難得婆婆大壽嘛.

2 Mth Day 28 折騰左一晚無得瞓, 呢日妹妹係大昏睡. 媽媽放工返去仲可以沖埋涼至埋身餵奶, 點知食食下又瞓著左. 惡夢又黎, 半夜四點又起身食奶.

妹呀妹, 你唔好因為咁, 而變返要食夜奶呀, 希望黎緊呢幾晚你唔好再半夜醒啦.

2011年6月26日星期日

周末天

25 Jun 11 呢日媽媽返半天. 自從媽媽放完產假後, 每日返工放工即係一日至少兩次, Isaac都會同媽媽講唔好返工工, 唔揾錢錢, 陪佢玩.

Isaac: 媽媽, 你好耐無陪我玩煮飯仔啦.

可惜呢日媽媽都無乜時間陪Isaac玩, 因為放工返去趕住食下午茶時間既lunch, 不過Isaac好識氹媽媽, 連續兩次跑黎hug住媽媽, 同媽媽講辛苦你. 真係攰都變得醒神哂.

食完好晏既lunch 又要趕住餵妹妹飲奶奶, 餵完奶奶服侍阿仔食下午茶既生果又要同妹妹沖涼涼. 臨沖涼前同妹妹影相.

Isaac: 媽媽你慢慢搞, 等我望鏡頭影相先

好明顯媽媽左手一個右手一個, 仲係到雞手鴨腳咁.

好在後黎一家四口出左黃金海岸補返張全家幅, 還媽媽一個心願.

望海係仔仔最愛既活動黎, 去到黃金, 成程要望海. 不停問呢個係乜個個係乜

望完海海, 就同仔仔影下其它相.

Isaac: 點解條fish fish 游左上凳到既?

Isaac: 爸爸, 仲有隻大蝴蝶喎.

話咁快Isaac已經兩歲幾, 想當年仲係好似阿妹咁一舊飯成日喊. 過多一個月又話返學了, 媽媽只希望仔仔返左學後, 唔好變得太壞就得了.

2011年6月25日星期六

早瞓?

2 Mth Day 24 自從媽媽返工以黎, 婆婆都成日投訴囡囡唔食奶唔瞓覺. 所以呢幾日, 媽媽決定要記錄埋囡囡作息時間. 呢日第三日, 按記錄睇, 真係阿囡朝早有無昏睡都好, 食完11點個餐奶後, 到夜晚九點都只係一共加埋瞓一個鐘咁大把. 不過有件好事, 就係呢個WK (TOUCHWOOD 先, 因為次次讚完好後, 個日就會即變返以前咁喊爆), 阿囡夜晚係八點半至八點九會自己瞓著. 如果之後都係咁, 咁奶媽真係捱過左最難捱既日子了, 希望阿囡唔好又令媽媽失望啦.