笑

2 Mth Day 2 呢日終於拎到美國運黎既BABY BANZ 太陽鏡， 真係萬分多謝我既親愛又有緣既BLOG友幫手買

點知仔仔唔肯帶黎影相， 唯有揾瞓左既妹妹做MODEL

呢日媽媽發覺囡囡既眼蓋好似人地熊貓眼咁， 黑左成撻， 仲要突出黎， 媽媽開始諗唔通囡囡係天生大近視？ 所以咁突？

好明顯副超仲要擺入冷宮兩三個月至岩帶。阿囡你真係細碼 B 得離譜。

Claire: 乜喎， 我已經好努力咁瞓架啦～～相比起第一個月。

Claire: 我笑返氹返你啦， 唔好嬲。

2 Mth Day 3 瞓飽左既妹妹， 最鐘意係揾人陪佢講野同埋笑。 

Claire: 哈哈， 媽媽講野好搞笑吖嘛

媽媽： 囡呀囡， 你可唔可以望住相機笑呀？

Claire: 哦， 望住相機， 但我緊張又笑唔出喎

2 Mth Day 4  呢日媽媽約左屯門媽媽會既同期媽媽出黎相會下， 順便帶妹妹識下朋友仔。

Claire: 吓？ 帶我識男仔呀？ 

Claire: 嘩， 好緊張呀

媽媽： 咁你都唔駛笑到咁開心架

Claire: 我何止笑呀， 我要跳埋舞TIM呀

足之呢日阿囡朝早十一點食完奶後， 係無瞓到囉， 可能知自己要出街

一路到下午兩點去到酒樓， 囡囡都係眼碌碌， 扮哂斯文唔發作大喊喎。

酒樓好似冰櫃咁凍， 好在媽媽有幫囡囡帶外套， 再加埋被仔

同期既BB個個都肥斯大隻， 係囡囡最細粒， 有個媽媽都忍唔住講： 乜咁細既～～～ 跟住加多句， 可能四月係咪細 D

媽媽都好阿 Q 咁諗， 個個都大過囡囡既， 咁囡囡最細粒都唔奇～～～雖然有幾個BB都三月底出世但都大囡囡成個碼。

 陣容好大好在個個BB都好聽話唔喊， 靜靜地比大家影大合照

呢日囡囡捱到夜晚八點恰左幾個字， 跟住又大喊發作， 媽媽抱到夜晚十點半頂唔住要爸爸接手抱了。囡呀囡， 你究竟幾時可以唔好再喊呢， 眼瞓咪自已瞓囉。至慘係眼瞓又唔食奶咀， 係要食手但食手又唔會食到瞓著喎