兩兄妹

2 Mth Day 13 

 Claire: 媽咪， 我忍唔住啦～～～

Claire: 你比我食拳頭啦

都係兩個月零十三日既 Isaac, 究竟兩兄妹係咪都仲係咁餅印呢？兩個月零十三日既ISAAC BLOG係咁寫既： 唔好意思, Isaac唔係望媽咪, 佢仲嬲媽咪架, 只係天生做model咁, 一見鏡頭就眼定定望住唔郁.

睇返個時， ISAAC 嬲左奶媽返工近一周架。都係妹妹體貼 D， 無嬲媽媽。

2 Mth Day 14 而家囡囡夜晚作息真係好難控制，為日頭都仲係瞓唔到， 好亂下。要瞓唔瞓又要喊， 到媽媽放工返去， 有時食完奶奶就昏睡， 有時又係瞓唔到繼續嘈。搞到無乜時間同囡囡玩咁。

 Claire: 媽媽， 你睇我對眼就知我唔眼瞓啦。

 Claire: BYE BYE 先啦， 你出去食飯先啦， 我係度典下喊下都磨到時間架。

2 Mth Day 15 呢日， 媽媽終於辭職了， 陀住妹妹時已經同爸爸協議好， 頂多做半年全職媽媽。爸爸就比媽媽任性一次咁大把啦， 呵呵。不過媽媽有重要任務架， 就係要教好兩兄妹。

 Claire: 媽咪，你終於都辭職陪我啦？ 我好開心呀

 Claire: 等我嘟下咀扮下CUTIE 先， 咁你咪更大動力去辭職囉。

Isaac: 妹妹， 我幫你冚被吖                  Claire: 喂， 大佬， 你唔好搞住哂喎

Isaac: 幫你抺埋口水啦， 你成日玩口水波

 Claire: 哼， 媽媽返黎你就知

嘩， Claire 同 Isaac 果然係兩兄妹黎架， 點解咁講？ 就係佢地除左鐘意YOUNG自己上床角外， 仲鐘意摷床圍

 疑似無頭 B 既妹妹

 淨返對腳既大佬。

仲話唔係兩兄妹。等妹妹大少少， 相信阿仔實有個玩伴， 因為妹妹同佢一樣咁爛玩。