跟媽媽出城

3 June 11 呢日媽媽要出去執返眼耳口鼻準備返工， 為左工人可以專心湊妹妹，呢日媽媽挑戰自己， 一個人帶阿仔出街半天。

Isaac: 媽媽， 我地送完爸爸返工後， 我地去邊呀？

阿仔呢日唔知做乜， 影相POSE由之前既跪低變側彎腰

同爸爸食完早餐 ， 媽媽同仔仔一齊由加拿芬道行到去天星個邊既反斗城。阿仔好叻， 無叫媽媽抱抱。

入到海港城， 阿仔係咁咦咦哦哦， 話無玩具既無玩具既。。。。因為一入海港城媽媽已經同仔仔講， 我地先去玩玩具跟住要陪媽媽扮靚靚。

對細路仔黎講， 條路好漫長， 終於見到反斗城了， 阿仔即跑唔理媽媽

Isaac: Hello， 爸爸， 你努力返工啦， 我係度玩得好開心呀

Isaac: 媽媽， 點解有隻POOH 係度既？

又一個側彎腰POSE

媽媽叫仔仔同車車影相， 又係側彎腰。

入到反斗城， 乜都摸一餐

Isaac: Hello, Thomas 你好嘛。

 Isaac: 我見明星都係彎身擺POSE 既

Isaac: 等我學下明星簽名先

阿仔真係好認真咁簽架

玩左一輪， 夠鐘輪到媽媽去扮靚靚了， 阿仔好乖，成場都係坐定定係媽媽隔離睇住媽媽。至多悶個時係玩下手仔FING下腳咁。連SALES 姐姐都讚仔仔好乖。

Isaac: 終於搞掂囉， 可以又去行街街

跟住媽媽又拖住阿仔去買新公事包比爸爸， 由街頭行到街尾， 真係辛苦阿仔了。

路經大海， 阿仔要出去望下佢最鐘意既海海同船船。

其實係海港城出黎， 阿仔已經同媽媽講要搭的士， 行唔到路啦， 媽媽知阿仔好攰了， 真係辛苦哂。但媽媽就黎失業， 慳得就要慳， 所以堅持拖住阿仔再由海港城行返出去柏麗大道， 阿仔辛苦到呢， 去到九園門口已經喊哂口， 好在無扭計， 所以媽媽可以好順利咁坐到巴士

話攰話攰但差唔多落車至瞓著。

要再讚下阿仔真係好聽話， 之前講明落車要自己落， 媽媽無手抱， 差唔多到站， 媽媽叫醒仔仔， 阿仔真係起身即刻落車， 好抵錫呀

可惜呢， 返到屋企又唔瞓喎， 係到玩被， 激死媽媽。

Isaac: 嘩， 我FING 我FING FING FING

 次次太眼瞓都會失控， 仔仔呢日就喊左一陣， 四點至瞓著。真係辛苦哂阿仔了， 不過阿仔你好開心喎， 去左大半日街街。