窩心

2 Mth Day 19 媽媽唔記得post返呢張相, 特登補返先

 玩口水, 係妹妹專長. 媽媽仲瞓係產床時, 第一個印象映入爸爸眼簾既係: 妹妹吹口水波. 所以爸爸成日話, 阿妹最叻玩口水. 不過個時媽媽生到暈陀陀, 睇唔到妹妹一出世時個口水波有幾大了. 不過有次妹妹吹到個波大到呢~~ Isaac睇到碌大左對眼呆左. 

2 Mth Day 20 Claire: 咁平時無野做, 咪玩下口水過下日晨囉

Claire: 再唔係對住人笑都係我專長黎架.

Isaac: 等我錫啖你啦, 見你咁抵錫.

Claire: 哈哈, 唔好啦, 我想正經 d 影相架.

 媽媽放工返去見到呢兩幅兄妹相, 真係好開心, 因為兩兄妹咁愛錫對方. 做人阿媽最窩心莫過於係咁了.

Claire: 婆婆, 你想點呢, 放張大象圖係我床就想打發我自娛呀?

Claire: 係囉, 咁抱住我同我講下野啦.

Claire:嘻嘻, 終於上當, 又昆到人抱我了.

Claire: 媽媽, 我好開心見到你放工返黎啦.

連續兩晚, 媽媽都半夜起身餵奶了, 究竟係乜原因呢? 點解仲未戒夜奶架.