早瞓?

2 Mth Day 24 自從媽媽返工以黎, 婆婆都成日投訴囡囡唔食奶唔瞓覺. 所以呢幾日, 媽媽決定要記錄埋囡囡作息時間. 呢日第三日, 按記錄睇, 真係阿囡朝早有無昏睡都好, 食完11點個餐奶後, 到夜晚九點都只係一共加埋瞓一個鐘咁大把. 不過有件好事, 就係呢個WK (TOUCHWOOD 先, 因為次次讚完好後, 個日就會即變返以前咁喊爆), 阿囡夜晚係八點半至八點九會自己瞓著. 如果之後都係咁, 咁奶媽真係捱過左最難捱既日子了, 希望阿囡唔好又令媽媽失望啦.

2 Mth Day 25 呢朝媽媽餵完奶, Isaac 又係要妹妹瞓佢個位.

 Isaac: 等我幫你冚被啦.    Claire: 做乜要人瞓係度喎.

 Isaac: 瞓覺啦妹妹.

Claire: 做乜搞到咁多貓圍住我架

Claire: 我好開心哥哥咁錫我呀

媽媽一直都想影合照. 不過之前囡囡成日喊, 都影唔到, 到呢個wk 就變得早瞓, 放工返去食完奶就瞓覺囉. 所以呢日難得媽媽返半天, 返到去餵完奶, 兩兄妹仲咁精神, 就叫工人幫手影相. 不過好難至影到三個一齊望鏡頭. 呢張係搞笑版黎. 因為仔仔好肉緊咁迫埋妹妹到. 爭d夾扁阿妹.

 Claire: 喂, 你兩個想點呀, 遮住哂個鏡頭.....

呢日無落雨, 媽媽同妹妹著靚靚, 諗住去黃金海岸影相相. 點知到六點至出門口, 天都黑lu.

Claire: 媽媽, 我呢個pose夠唔夠淑女呀