拎野入口食

2 Mth Day 16 疑似由呢日開始, 囡囡終於開始變返正常了~~~~無狂喊又瞓到又食到. 嘩, 唔通真係百日哭, 近一百日即停左?

唔喊時, 成日都可以young young 腳精精靈靈, 媽媽返工係cam到睇到, 由心笑到出黎.  

Claire: 呵~~~~好眼瞓呀我

Claire: 好眼瞓又瞓唔到, 唯有搣下床圍解下悶

2 Mth Day 17

Claire: 婆婆, 做乜幫我著到成個男仔咁架

呢晚媽媽比個奶咀妹妹瞓. 基本上而家囡囡都算叻, 因為眼瞓有四成機會要食奶咀至瞓得著, 點解叻呢? 因為仲有五成機會可以唔駛奶咀都瞓到. 淨返個一成就係要人抱至瞓得著. 算叻架啦, 比起 isaac 一定要含奶咀瞓仲要人坐佢隔離. 反而囡囡可以一個人係間房自己入睡 (touchwood 先)

2 Mth Day 18 終於捱到周六, 媽媽放工返去又係飛返屋企準備埋身餵奶奶. 有個問題媽媽疑惑左好耐~~~每次見到妹妹對眼變成咁都會心生疑惑, 究竟妹妹係咪內雙, 定係大個對眼似爸爸既呢? 因為有時, 妹妹眨眼, 會忽然變左兩隻眼仔有兩條都幾深下的雙眼皮.

當然呢個諗下算, 因為奶媽都係兩隻眼內雙的. 到家下幾廿歲人, 只係一隻內雙變外雙, 另一隻仲未變. 婆婆呢, 就兩隻都變左外雙. 如果入左娛樂圈, 我估實比人話婆婆同媽媽去左割雙眼皮, 不過奶媽有一隻失敗左咁解囉

Claire: 你睇真 d, 我仲係單眼皮架

Claire: 媽媽, 你覺唔覺我個頭越黎越大呀

2 Mth Day 19 呢朝奶媽本來諗住瞓晏 d 啦~~~~六點幾個餐餵完後, 點知最後都係瞓唔到, 又係晨咁早起左身, 因為餵完阿囡輪到 Isaac 醒左.

不過都好, 呢朝工人話比媽媽知, 囡囡自己拎住個噹噹係度 fing 黎玩. 媽媽梗係即衝入房同佢影下相留念啦.

Claire: 其實我係想渣住放入口食架咋

 yeah, 無錯, 媽媽真係見証住阿囡塞左入口.

呢日父親節, 我地同爺爺食飯, 媽媽好興奮呀, 因為又可以著新衫見人.

 婆婆見到, 話妹妹成個小公主咁喎. 不過媽媽覺得差一頂帽囉.

呢日全日都打算同爸爸妹妹影張父女相, 不過最後忙忙忙忙到忘記左. 補祝返爸爸父親節快樂先.