曇花一現??

2 Mth Day 21 兩兄妹又合照. Isaac 越來越照顧妹妹, 成日都讓自己個枕頭出黎, 叫妹妹瞓啦. 好搞笑

Isaac: 一睇就知我對眼大過妹妹, 妹妹邊似我姐              Claire: 我到你咁大個時, 你咪知我對眼係咪同你一樣咁大囉. 爸爸成日話我對眼都會大過媽咪喎

呢張相媽媽驟眼睇, 心諗, 乜阿囡好似大隻咁多咁, 再諗真 d, 唔係囉, 因為件衫係三個月size架, 呵, 你睇妹妹仲有好多空間發展.

 之前既blog 讚過妹妹乖左肯食奶又瞓多左後, 真係又一証明 bb 係唔可以讚既, 因為跟住個兩日, 阿囡又回復返以前咁, 唔食奶又唔瞓覺, 半夜三更又要醒, 真係嘔心瀝血.

Claire: 我覺得我隻手係好味過媽媽奶, 我寧願食左隻手落肚都唔想飲奶.

2 Mth Day 22  繼連續兩日不眠不食後, 呢日又好返少少, 肯食肯瞓. 真係唔知阿囡玩乜.

著緊裙仔但唔似女仔既妹妹.

真係點搞都係手不離口, 如果阿囡食奶好似食手咁, 就皆大歡喜囉.

Claire: 食得多奶會賴poo poo架, 成日整dirty d 靚衫衫, 所以我咪唔肯點食奶囉

 一日換兩三次衫, 對妹妹黎講真係等閒事黎. 同 Isaac 一樣, 人奶 poo poo 搞到漏瀉.

2 Mth Day 23 呢朝食飽媽媽奶, 媽媽趕住返公司再泵多次. 阿妹就慣住同工人玩. 返左工兩週咋嘛, 妹妹而家朝早都掛住望住工人笑, 唔會點望媽媽, 真係心傷. 呢 d 叫食完奶唔要和尚.

Claire: 我都話我鐘意食手多 d, 所以媽媽你唔好嬲. 我唔係食完奶唔要和尚架

Claire: 工人你幫我影得女仔 d 喎,  我條裙好短架咋, 唔好影到我走光呀

Claire: 哎呀, 乜影咁耐, 我唔等你啦, 我好餓~~~~開餐先

Claire: 乜仲影緊架~~~我開緊餐架喎

又一張Isaac 錫妹妹表現既相相.

 Claire: 做乜好似有野壓住我咁既

乜都塞落口, 拎起手既野都照塞, 紗巾照食可也. 但唔見妹妹肯比人塞奶樽入口喎, 真有性格.

touchwood 呢兩晚囡囡無半夜三更醒, 媽媽可以一口氣咁瞓五六個鐘, 真係多謝哂. 希望妹妹你唔好再半夜醒啦.