兩個月針

2 Mth Day 11 Claire: 媽媽， 我想食奶奶

 呢日放工返黎， 撞正一大一細都唔瞓晏覺， 反而最大既爸爸就啜一聲瞓左係梳化。 淨返岩岩返到屋企既媽媽， 媽媽忙住摷外賣紙醫肚， 阿仔見無人陪佢玩， 拎左妹妹隻手黎玩。仲有係向網床扮跌倒， 媽媽真係無佢收。乜都玩一餐。

囡囡呢朝去左打肺鏈同食輪狀，媽媽諗住整左兩劑針會昏睡啦。吖， 點不知早上十一點餐奶後， 一直踩到夜晚八點幾九點都唔瞓， 真係服左你。之但係媽媽一心諗住成日唔瞓覺， 呢晚半夜應該唔會醒啦掛～～～點不知又估錯，半夜四點幾嘈醒， 搞到媽媽好眼瞓呀。

2 Mth Day 12 唔通兩劑針翌日至發作？ 呢朝奶媽好眼瞓但都係堅持六點幾起身餵奶。餵完奶奶媽眼都擘唔大了， 因為返左一周工， 加埋呢次凌晨四點幾起身餵奶， 奶媽眼瞓到就黎會跌囡囡落地咁。唔通阿囡都感染到奶媽既渴睡？ 囡囡呢朝食完奶只係維持左半個鐘既擘大眼， 之後昏睡左～～～跟住成日作息， 都可以跟足SCHEDULE， 少可少可。

Claire: 咦， 比媽媽發現我想食手手TIM

Claire: 媽媽好易氹架咋， 等我扮個聽話樣就可以氹到媽媽

妹妹對大脾仔呢， 媽媽好貪心想佢再大隻D呀

點解話兩劑針呢日至發作？ 因為我地去完飲茶返黎， 囡囡仲瞓到好林， 成程無瞓過， 少可少可。

呢晚出街食飯， 媽媽特登又幫妹妹著裙仔

 Claire: 我呢個POSE 掂唔掂呀？

 Claire: 鼻痕TIM，咁R 會唔會好覺眼呢？

都話呢日係針葯發作， 因為連夜晚出街食飯， 囡囡成程無喊， 嘩， 又係少有少有。究竟乜事呢？

可惜返到屋企都係要喊， 好在都係喊得一個鐘咁多姐～～～因為之後有人抱住瞓嘛。呵呵