29 June 11 阿仔鐘意玩結他因緣, 要數返好耐之前, 媽媽臨瞓同阿仔講左個故仔, 故仔個男主角彈結他比媽媽聽. 自此之後, 仔仔最鐘意聽有關彈結他的所有故仔, 甚至愛上玩結他tim.
音樂天份唔知有無, 但扮野天份肯定有. 除左彈結他外, 阿仔仲好鐘意扮歌手咁企係度揹住結他 un 下 un 下, 可惜兒童結他對佢黎講仲係好大舊, 所以當佢企係度要的起結他時, 兩隻手就唔能夠彈到. 所以, 似返個樣彈得出音既pose, 就係要正正經經坐係到彈, 但隻腳都會自己跟節拍 un 下 un 下.
真係似模似樣架.
Isaac: 我大個想自彈自唱表演. 
Isaac: 唱乜歌好呢?
一副好愁既樣, 呢個時候通常係佢諗緊唱乜歌好既表情黎.
唔知到妹妹大左, 兩兄妹會唔會由朝唱到晚, 一個唱一個彈跟住要迫老年既媽媽跳舞
似乎綠色果張櫈仔對哥哥來講都有少少吊腳喎!! 妹妹BB床上面果隻轉轉天鵝, 我上星期都响護協買咗呀!! 佢氹唔氹到妹妹瞓呀?
回覆刪除[版主回覆07/01/2011 13:08:00]個雙轉轉我地都係向護協買， 不過妹妹唔會咁易瞓到， 佢對眼只會眼定定咁望住囉， 作用係停止佢再喊。