五天成長記

2 Mth Day 5 Claire: 好無奈呀我， 三十幾度咁熱爸爸仲同我著長袖衫

呢晚一如以往， 一到夜晚囡囡就狂喊。爸爸話要 LIN 住囡囡條頸咁瞓， 阿囡至會瞓著喎。不過又係一陣就醒左。

呢晚媽媽的起心肝自己餵夜奶， 好冒險咁由得囡囡瞓， 終於三點幾要起身餵奶， 真係辛苦。

2 Mth Day 6 呢日我地同公公食飯， 端午節係公公牛一。一於扮靚靚先。

 Claire: 媽媽，幫我托返頂帽吖， 頂帽歪左呀

又係一如以往， 出左街眼瞓又瞓唔著， 搏哂命喊。唯有出動爸爸抱住瞓， 媽媽就拖住仔仔行。好在有婆婆幫手推BB車。真係一人拎一樣。之前個晚得爸爸媽媽， 爸爸抱囡囡瞓， 媽媽一手推車一手拖仔， 真係好泥HEA。因為技術未到家， 單手CONTROL得唔好架車。

呢晚阿囡凌晨又係三四點喊要食奶， 奶媽精神力量撐住， 同自己講， 好快全職媽媽啦， 頂到既頂到既。

2 Mth Day 7 十週產假話咁快就完。呢日返工日， 徧徧返工日黎唔知醒， 鬧鐘又無响， 一紮醒拎起電話睇， 再定一定神諗下～～～奶媽大叫左一聲： 哎呀， 返工呀～～～

不過唔返得工住， 九秒九化好粧仲要餵埋妹妹至走得。未返工前成日諗， 囡囡會唔會好似仔仔咁， 放工返黎嬲左奶媽呢？ 哈哈， 媽媽仲KEEP左當日ISAAC嬲媽媽個衰樣的相， 真係望都唔望阿媽， 食完奶擰到個頭九十度都唔比奶媽望到佢。奶媽所以好奇唔知囡囡夜晚見到放工返黎既媽媽， 會變左乜樣。

Claire: 媽媽， 我唔會嬲你架， 你辛苦揾錢都係想我地生活好D咋嘛， 我好體貼架， 不過我今日比蚊針呀， 你睇我塊臉仔。

媽媽越來越憎蚊呀， 點解今年屋企多左咁多蚊架， 咬到ISAAC周身蚊LAN， 家下輪到囡囡了。

出乎意料之外， 囡囡係無嬲媽媽既。好似若無其事咁， 都唔知係好定唔好。

2 Mth Day 8 媽媽返工第二日， 婆婆頂住湊左兩日， 呢日婆婆開始TRAIN 囡囡食奶咀。吖， 以往囡囡係唔食架喎， 工人點比都無用， 塞佢食佢仲惡過人大大聲喊。唔知係咪兩日無奶媽陣味， 呢日囡囡開始肯食奶咀了。真係天大喜訊

媽媽返到屋企， 囡囡仲含住奶咀瞓到好林。

2 Mth Day 9 呢日奶媽頂唔順啦， 唔係精神頂唔順， 而係諗過長遠都唔係辦法～～就係唔可以就阿囡半夜喊醒。點都要試下12點自己埋身餵夜奶， 搏囡囡可以一覺瞓天光。免得到佢一歲都仲要奶媽三四點起身， 諗起就攞命。

Claire: 媽媽， 我幫你舉定一隻手投降先， 襯埋我呢件日本和服， 夠唔夠似投降FEEL呀？

Claire: 好唔開心呀～～爸爸淨係同哥哥玩唔同我玩。

媽媽：爸爸知你眼瞓吖嘛， 咪唔騷擾你囉              Claire: 我頂住眼瞓都唔瞓就係想等爸爸返黎陪我咋嘛

2 Mth Day 10 囡囡而家安靜既時間越來越長， 因為開始識食奶咀。真係要多謝婆婆日頭黎湊， 無得聞奶媽味道， 唔通真係容易接受奶咀？ 可能呢個係全人奶既關係啦。咁全人奶都唔知好定唔好了

呢晚媽媽一對手湊住兩個一陣先， 唱完歌歌見囡囡仲未瞓， 不如玩下趴低身。反正朝早媽媽趕頭趕命返工， 睇黎都無人會同佢玩趴轉。不如媽媽又玩下啦。

媽媽： 咦， 好似成功左

媽媽：咦， 識得擰過黎對住我笑。。。。

Claire: 我想喊咋阿媽