團購花粟鼠

 

9 Jan 13 呢日哥哥學校假期, 媽媽一早買定團購PLAYHOUSE 入場券. 不過唔記得幾銀. 以佢呢個質素, 三十幾蚊就直. 因為真係好差呀, 好似街邊無維修既公園設施咁. 我地好早去到. 係第一個顧客黎.

點知一入到去. 一眼望哂. 好驚囉.

原來呢個係玩車既~~~~SO SORRY, 全場有八成既車係壞或爛既. 真係好唔得.


行多兩步, 終於鬆一口氣, 原來仲有野玩既~~~~

再望過少少, 有兩舊成本好低既吹氣彈床. 好CHEAP 的FEEL

稍為似樣既, 就係呢座四五層高既滑梯了. WELL, 花粟鼠設施就係咁多~~~~OVERALL比我感覺得, 有人一LOT錢掟出黎開左呢間野, 但無比錢出黎維修保養囉. 睇埋以下就知點解了.

雖然車場的車又爛又壞, 不過無損小朋友乜都玩一餐既心情. 睇Claire幾開心就知啦.

Claire: 我捐捐下忽然想坐低抖下呀

全場大約左四間呢D 小屋仔. Claire又學阿哥咁入去搞搞震.

玩完車仔, 落下其中一個波波池. 嘩, 咁明顯成個凹左,都無人換. 小事啦~~~~全場大把玩具設施爛哂都無人換, 無維修架.

Claire: 我好努力咁檢查緊仲有無凹波

成個場無野好玩, 點都要迫仔女入去四五層滑梯區到先. 初頭Claire 爬爬下要返轉頭. 唔敢再爬. 不過比媽媽捉住爬左一次, SIR左個大滑梯後, Claire 就開始好努力咁要自己爬上去, 玩滑梯了.

Claire: 加油呀, 我要頂硬上.

嘩, 就係呢條大滑梯了, 跣到丫. 有個大人話, SIR多幾次, 命都無. 媽媽好認同呀, 所以只係同妹妹玩一次, 之後個D, Claire 想玩, 唔該工人姐姐丫~~~~~~跟住工人姐姐唔知係驚吖, 定保護妹妹, 佢單手捉實滑梯邊, 慢慢咁落. 呵.

Claire: 但呢條大滑梯, SIR左落黎係個大波波池喎, 我鐘意呀


除左滑梯, 我地仲發掘下其它路線. 跟住又比媽媽係最底個層見到咁大個洞. 嘩, 好易勾到小朋友腳仔趴係到架. 呢間野真係好唔安全.

仲有其它好多爛左既邊位或設施, 我都費事逐一影了.

好, 到彈床區. 嘩, 呢張相, 影得兩兄妹好有動感. 本來Claire都好認真咁跳架.

跟住哥哥放左波波落彈床, 等佢跳起黎, D波又跳跳下咁. 呢個時候, Claire開始唔係好敢落床了. 所以至有下邊條片既出現, 就係圍邊行.

Claire: 唔係架, 哥哥走左, 我又敢落返黎跳架.

呢條藍色係鐵片, 係網床既底. 點解我影? 因為係網床入口就咁大條隙, 上落唔小心, 好易趴係度, 撞到頭仔. 唉. 老老實實, 成場不停同自己講, 唔係團購我都唔會黎. 咁既安全質素.

我地玩到三點, 就走LU. 呢個時間開始好多小學生成堆一齊黎. 好在我地好早黎到咋, 玩飽哂, 準備返屋企. 臨走, 係個度食埋個自備零食下午茶. 好在個度都比人食自己携帶食物咋.

下次放假, 媽媽又買左另一間PLAYHOUSE 入場券, 希望個度唔好好似呢間咁既質素啦.