體能進步左

1 Jan 13 新既一年， 首日爸爸病重。不過之前爸爸答允了哥哥去濕地公園， 所以無論呢日點病重都好， 我地都要晨早出發（都唔晨早了， 磨下呢磨下路， 都十點半至出門口）

撞正呢日係Claire 21 個月了。可惜爸爸病左， 夜晚無出去食飯， 否則媽媽有諗過呢晚叫個旦糕甜品比妹妹架。因為媽媽睇返BLOG， 至記得哥哥呢個年紀， 已經成支甜筒同布甸旦糕等等， 一個人KO哂。Claire 相對地好似真係好清淡下咁

21 個月既Claire, 脾氣越來越臭， 發脾氣時， 會大叫：走開（趕人走開， 自己又唔走）媽媽全職後， 堅持放手比Claire 自己玩滑梯同上落樓梯， 發覺妹妹其實係做到， 只係太MINI SIZE， 之前令湊佢既人太苛護佢姐。

 Claire: 我21個月大了， 已經黎左唔知幾多次濕地公園囉。

雖然成日黎， 不過呢張父女相， 十年不一遇。好珍貴。呵呵。

 見到PUZZLE 起勢咁～～～拆哂出黎又唔肯砌返好。阿妹你好曳呀。教又唔聽。

Claire: Sorry, 我只係對滑梯有興趣學。

呢次， 媽媽比妹妹自已試下爬， 咦， 又得喎～～～不過係慢D 姐。試多幾次就會快架啦， 加油呀Claire。


不過教極都好心驚胆跳既， 就係Claire 好似無視滑梯係斜同跣既， 成日好急咁碰碰碰咁行， 唔識坐低準備SIR落黎。好怕真係有一日， 一腳踩空， 由上邊做大冬瓜咁碌落黎呀。 Claire: 你放心， 我好有信心， 媽媽實會牛咁眼望實我有無踩空由上邊仆落滑梯既。

因為爸爸超級攰， 所以， 我地今日只係探訪左室內既濕地設施， 食埋飯， 就打道回府了。