反轉CHIPMUNKS

9 Jan 13 Isaac 一放假， 擘大眼就會問媽媽： 今日帶我去邊度呀？ 所以， 媽媽有備而戰， 知 Isaac  一月平日學校有假期， 所以一早買左張花粟鼠寶堡既一日任玩票。去到， 當然係失望， 原價好似平日七十幾蚊， 但其實唔值囉。

ANYWAY， 對Isaac 黎講， 一個波都可以玩得好開心， 唔理你係爛野定好野。所以， 一入到去， 見到成場車， 逐架坐。呢架老爺車好少可見到架喎。
Isaac: 係呀， 我都未坐過老爺車呀， 但壞架， 郁唔到既
Isaac: 等我又試下坐呢架木馬先 媽媽好驚會整爛隻馬架， 呢隻馬好明顯係比BB仔玩多

Isaac: 咁呢架千秋呢？ 媽媽： 呢架千秋仲危險啦， 個兩條支架咁薄膠， 好脆咁咋喎。你快D落返黎啦， 咪一陣斷左條膠你跌落地架


Isaac: 咦， 呢度有個BB區玩意喎。
不過， Isaac 最鐘意玩屋仔， 不停咁入屋， 一間當係船， 係度扮船長渣船， 另一間又扮係煮奶茶係咁賣比媽咪飲。Isaac 想像力都幾豐富喎。

比媽媽威迫利誘咁引左上吹氣床。

捐下洞
又要爬埋出黎
以為佢會好似街邊玩吹氣床咁HIGH搏命跳啦， 點知佢一出黎就唔跳了。可能無小朋友陪佢玩啦。

Isaac: 我仔細就鐘意行呢D 繩網既木架， 好好玩架
全場最刺激就係呢條大滑梯。 
最鐘意玩呢條滑梯， 係因為下邊有個大波波池。


Isaac: 哇， 好好玩呀。我好細個時， 爸爸教我要瞓落去至好玩架。


除左滑梯， 仲有張好好玩既彈床。Isaac： 哇， 我跳呀跳呀
跳到自己瞓低左。

Isaac: 咦， 原來瞓低玩既彈床都幾好玩架喎


Isaac: 不過好攰， 等我當床咁瞓下先

點解咁攰？ 因為有人瞓係度跳床囉， 好搞笑， 都唔知邊度學返黎既。