遲來的訓練

5 Jan 13 呢日我地又做左件好耐無做既事， 就係去火車公園。嘩， 我諗足一年我地無再去LU。

自從妹妹識行後， 媽媽走左去返工， 跟住都無乜點帶妹妹去公園玩。體能真係爭少少。所以呢日， 媽媽堅持唔比工人貼身扶實， 由得Claire 自己試， 咦， 又得架喎。妹妹真係叻。唔可以比你個迷你SIZE呃左， 變得我地過份苛護你架。

 Claire: 今次黎呢個公園， 我卒之曉行曉跑LU

Claire: 雖然媽媽話我要學習長大， 但講到SIR 滑梯， 媽媽仲係好唔放心架。因為我仲未識坐囉， 成日照行落滑梯。媽媽話會嚇死佢。

Claire: 好似呢條又直又彎既滑梯， 媽媽就陪我一齊SIR。佢話驚我SIR左落黎， 係SIR到個頭落先喎～～～因為我又輕又細粒吖嘛

Claire: 除左媽媽口講要放手， 但唔放手外；哥哥都一樣架， 仲爭住要拖住我過去玩TIM

Claire: 其實最開心係哥哥呀， 之前佢黎呢度， 得佢一個玩。而家有我陪佢喎。

睇住Claire 體能開始進步， 媽媽覺得安慰。而家媽媽唔駛返工， 可以多點帶妹妹周圍玩， 相信佢體能好快會迎頭趕上架啦。