23 Dec 12 Claire: 嘻嘻, 我地又去街街呀, 我一聽到去街街, 未出門口, 對眼就發哂光. 仲不停咁重覆去街街....直到爸爸媽媽出門口為止.
Claire: 我都唔知點解我咁鐘意去街街喎
Claire: 出到街,見到重野, 我仲會搬下佢. 咪睇我細細粒至得架
Claire: 哥哥, 你唔好同我爭啦
Claire: 做乜你地一個二個走黎架, 乜真係覺得我細粒得滯, 會搬唔郁咩
其實妹妹係陪哥哥黎唱k. 又學人拎住支咪, 不過又未識唱. 不過每晚臨瞓, Claire 都會企係床到, 表演比媽媽睇唱歌跳舞. 好搞笑
之後, 仲去附近K11 影棵旦糕做既聖誕樹, 其實似唔似聖誕樹呢?
今個聖誕真係凍, 應該話係忽冷忽熱, 真係好易病呀.
沒有留言:
張貼留言