ISAAC 冧人語句

Isaac 自細就好錫媽媽, 真係冧死媽咪. 媽媽仲記得Isaac未識行, 只識爬時, 聽到媽媽喊, 就會急急爬黎媽媽身上伏係媽咪到呵呵媽媽. 當然, 媽媽只係扮喊整古Isaac, 為的就係搏仔仔一HUG. 呵呵.

長大後, 懂得講野既Isaac, 雖然成日駁咀駁舌仲要專反叛唔聽媽媽話.  但有時, 講起野黎, 都好冧媽媽架.

媽媽第一次當全職媽媽時, 著左條懶型既穿隆牛仔褲, Isaac 指住媽媽條褲問: 點解你條褲穿隆既?
媽媽就答: 媽媽無錢錢吖嘛.
仔仔會答: 我返工工買過條比你著吖.

Isaac: 嘻嘻, 成年前既野你仲記得?





而家媽媽第二次做全職媽媽, 媽媽又係搏聽冧人說話, 就成日問Isaac: 媽媽返工工好無呀
Isaac: 唔好呀, 我唔想你返工呀 (仲要好sad咁講)
真係冧哂.

 Isaac: 我真係好鐘意媽媽架.

呢輪, Isaac有新句子, 就係話, 佢出去揾錢錢比媽咪喎. 嘩, 如果大個真係咁聽話, 媽媽就冧哂囉. 每次媽媽話, 無錢呀, 媽媽要返工出去揾錢. Isaac好唔捨得咁講, 一係我返工工揾錢錢比你啦.

Isaac: 你放心啦, 我雖然鐘意女仔, 但我都會記得要養媽咪架.

媽咪: 你係至好講呀下

 

有時, 妹妹唔聽話, 打或搣媽咪, Isaac 就好嬲好大聲咁鬧妹妹: 唔淮打媽咪架/ 唔淮搣媽咪架.
嘩, Isaac 愛母心切, 真係好易見呀.

呢日, Isaac 話, 佢要等妹妹大個, 同妹妹結婚喎. 仲問媽媽, 結婚係點架, 咁邊個幫我開電視呀........好明顯佢當結左婚仲係三歲細路仔, 乜都要人幫. 真係聽到覺得好有童真呀.

謝謝Isaac. 你唔百厭反叛個時, 真係好得人錫既.