除夕趴地

30 Dec 12 呢日係2012年Claire 最後一個節目， 就係去除夕PARTY。不過時間由本來既TEA TIME 變左做LUNCH TIME， 得兩個鐘， 咁岩Claire 朝早個覺無瞓， 所以係死撐足兩小時。不過， 一去到落地， 笑到四萬咁口。

Claire: 媽咪， 我又見到大隻BB 朗朗呀
 

仲有呢位， 同樣係有個哥哥既暄暄， 不過暄暄出街活躍好多。呢下係咁岩未WARM UP， 唔啋阿女姐。

Claire: 唔緊要， 岩岩有個男既落搭


Claire: 嘩， 一拖三個男呀。。。。。

Claire: 不過我好似哥哥咁， 都係食野至上。飲飽至講其它

時間有限， 其實我地食完LUNCH 講一陣湊仔經， 已經夠鐘散BAND。散BAND前梗係黎張大合照先。不過， 一合就好明顯， Claire寧舍迷你。尤其係隔離企左個特大版既BB， 呢個朗朗十足當年Isaac 咁， 超大份。


遠睇係咪一目了然呢

Claire: 唔好迫住哂啦。

Claire: 你抱住我， 咪唔覺我特別細粒囉。

呢度其實係YOHO TOWN黎， 隔黎有個BABY PLAYROOM， 可惜真係撞正時間唔岩， 妹妹未瞓覺。玩完都兩點， 再落埋PLAYROOM我諗Claire 眼瞓到發癲都似。加上被媽媽昆左一齊去既爸爸病入膏盲， 哥哥就眼瞓到就黎恰著， 所以我地都係急急腳返歸算。

YEAH， 2013年再GATHER過。希望妹妹KEEP住而家咁， 唔好落後太多就得架啦。