1227聖誕GATHERING ＠荃灣港鐵會所

27 Dec 15 聖誕GATHERING，點少得Claire 同學仔。呢日，晴晴媽咪BOOK左港鐵俱樂部，一齊去放電。話哂叫冬天既天氣⋯⋯點知大家玩到濕哂，中哂伏⋯⋯

不停擔擔抬抬，點會唔中伏吖⋯⋯

Isaac: 我同㪫㪫鬥碌呢舊石頭呀。

家長們嫌都未夠出汗⋯⋯一於出動埋，叫班細路做下運動。

童童爸爸： 嘩⋯⋯頭先你咁大力推我⋯⋯等我車扁你⋯⋯
Isaac: 嘩⋯⋯

風水輪流轉，之後，輪到晴晴媽出動，小朋友們被推⋯

Claire: 我唔可以比人推跌架⋯⋯

Claire: 等我踩實地板紮定馬先⋯⋯

呢下睇到相，真係危險⋯⋯Claire 成個背脊承托住牛高馬大既童童⋯⋯

幸好，Claire 閃避得快，童童從空中跌地⋯⋯成個過程驚險萬分⋯⋯好在，媽媽同步錄低左（按此）

原來呢個遊戲會玩上癮，睇下，明明岩岩先跌完，跟住班小朋友又要上去再比人推落黎。

童童： 嘩⋯⋯跌得好過癮呀⋯⋯

玩完咁刺激既遊戲，係時候開餐。

不過小朋友一聚埋，就唔會食架⋯⋯睇下，咁快又離位去玩。

聖誕節，點少得交換禮物。

YEAH～Isaac 抽到由舊同學送出既禮物一份⋯⋯泥膠⋯⋯不過到寫BLOG呢刻，呢個小朋友仲未捨得拆佢份禮物囉。

至於Claire，就抽到由㪫㪫預備既勞作書同玻璃畫一份。好有心思呀。份禮物成為佢聖誕假期打發時間既勞作仔。

之後，應家長要求，幾個K2 同學仔，齊齊唱聖誕歌，因為佢地表演聖誕歌當日，我地家長係無份睇架。所以，有媽咪要求佢地再唱一次，又幾合作喎。齊齊唱。（點此）

抽完奬，又未夠鐘還房，我地再黎多個集體遊戲，就係媽咪們兒時既遊戲 －－拋手巾。人人有份⋯⋯不過媽媽坐足全程，無人拋比我囉，嗚嗚，悶足成程。點此睇下Isaac 識唔識玩先⋯⋯

睇完哥哥，又睇下Claire （點此）。有得玩又有得食仲有禮物收TIM，真係開心既一天。

走既時候，兩兄妹攰到可以即刻瞓著咁滯，可想而之，呢日幾咁放足電呢。