小妹小記

3 Feb 16 每當Claire 下午有時間，媽媽總會習慣帶佢去公園玩一陣子。呢日，男仔頭的Claire 話要帶飛碟去飛喎⋯⋯媽媽又要捨命陪君子也⋯⋯不過，阿妹，媽媽好似唔係向個邊喎。

玩到咁上下，忽然黎個倒樹葱。勁呀，第一次可以放埋對腳上去，睇下Claire 幾咁興奮。

Claire: 如果哥哥係度，就好了。可以比哥哥睇⋯⋯

 5 Feb 16  呢日學校假期，Claire 陪媽媽去食早餐⋯⋯Claire 自己叫左一個椰撻⋯⋯點知，等左好耐好耐，媽媽都食緊包了。Claire 忽然好老積咁拎住張單黎睇，好似睇得明咁喎。

Claire: 咦⋯⋯好似無落單喎。

Claire: 咦⋯⋯張單有架喎⋯⋯點解咁耐架⋯⋯

 回到家，有個人仔明明做緊功課，忽然拎起個LEGO車出黎，話係佢自己砌架喎。（點此）。信不信由你了。

7 Feb 16 呢日我地去年宵，未去已經嘈住要食冰糖葫蘆。Isaac 見到有菠蘿冰，就唔要葫蘆了。點知⋯⋯就係呢支冰糖葫蘆，令到Claire 斷左門牙呀，呢日仲要係周日，翌日仲要初一。暈低了⋯⋯爸爸又唔係身邊，真係嚇親媽媽。急速回家冰住隻斷牙，四圍去撲急救。自始之後，媽媽話Claire 以後唔淮再食冰糖葫蘆。

Claire: 咁人地好鐘意食吖嘛⋯⋯