首爾 SHOPPING。玩雪之旅 2016 。DAY 5 。ISAAC

15 Feb 16 經歷過昨天既冰風陣陣，係愛寶樂園吹到暖包都唔覺暖之後，呢日瞓到自然醒。滿懷希望咁睇下幾多度啦⋯⋯嘩。即刻灰爆。原來沒有最低温，只有更低温⋯⋯望完個電話，再睇下床上既既小朋友，大家都仲係度瞓緊⋯⋯咁⋯⋯媽媽都係繼續合埋對眼⋯⋯應該晏D會高温少少掛⋯⋯

呢日其實無乜野做⋯⋯好在我地PLAN左室內行街。所以，幾凍都好，只係路邊幾分鐘姐⋯⋯日頭咋，夜晚仲要去睇燈呀⋯⋯

呢朝終於可以食Isaac 了。之前想食，點知周日CLOSED，跟住又話坐車去愛寶，無時間等Isaac 開門。呢日終於可以食，可能係明洞關係，晨咁早排隊⋯⋯原來，全部香港人，哈哈哈。

阿豬媽真係好快手，其實我地都未睇好食乜之際，已經排到我地ORDER了。

其實佢地快手到⋯⋯媽媽都唔知佢係整緊個ORDER既份囉。

原來成舊牛油咁搽，唔怪得D人話好食啦。

製作簡單，媽媽係屋企應該可以做到⋯⋯不過要突破左個肥既心理關口先得。

網路上好出名既Isaac，呢次終於食到了⋯⋯

老老實實，係咪得個ISAAC個名出名呢？媽媽食唔出有幾回味⋯⋯可能我地好泥HEA咁企係地鐵站口到食啦，只係覺得好泥HEA⋯⋯下次再去韓國，真係要再比多次機會ISAAC 先。