除夕圓方放電記

31 Dec 15 除夕無節目，媽媽最鐘意帶佢地去圓方玩。呢日無節目，遊說幾個Claire 同學仔一齊去。不過我地趕頭趕命出到去⋯⋯原來同學仔仲未到。

Claire: 佢地咁耐架⋯⋯

唯有自己玩住先。呢條滑梯，Claire 好鐘意玩架。

一個人，滑梯玩多兩轉都得呀。點會悶吖。

媽媽見到幾個車軚，心血來潮鼓勵Claire 玩。估唔到佢肯試喎。

Claire: 有同學睇住，我實爬到既⋯⋯

Claire: 嘩，我望到終點啦。

Claire: YEAH～～～到 LU

Claire: 不過我點踩上塊板呢⋯⋯

Isaac 見阿妹咁勁，又試下。點知牛高馬大，CLICK住左。要好辛苦先捐到入個車軚裡面。

不過只要比佢入到去，憑住佢咁長既腳，話咁快就爬到去終點啦。

圓方除左高滑梯之外，仲有呢個用力郁動既氹氹轉。大個女左既Claire, 而家要等到有腳踏位既座位先肯落去坐架。幾咁巴閉。

Claire: 梗係啦，我可以踩得好快架嘛⋯⋯

終於，同學仔黎了，一於齊齊玩滑梯。

唔知點解，呢幾位小朋友，額係好鐘意幾個等埋一齊先SIR落黎。真係唔怕碰撞既咩？

媽媽鍾意去圓方個遊樂場，因為除左幼兒區，仲有呢個中童區。好考手臂力架。

坐左上去，其實個心好驚既Claire。哈哈哈，見到無朋友仔係附近，就話要落地。

Claire: 都係去玩竹蜻蜓好過。噏哈哈。

Claire: 等我試下起飛先⋯⋯

Claire: 哇卡卡，點解會跌左落地架⋯⋯

聖誕節出黎玩，影返張聖誕合照是常識吧⋯⋯玩左咁耐，係時候閃人。臨散場，黎返個2015最後的合照⋯⋯呢四位小朋友，唔知幾時會再見呢？！