首爾 SHOPPING。玩雪之旅 DAY 4 。愛寶樂園

14 Feb 16 情人節，我地選擇左呢日去愛寶樂園⋯⋯其實呢，按行程，唔應該呢日去⋯⋯不過臨出發先見到最新天氣預報，係呢日天氣最凍。而媽媽本黎PLAN左呢晚係去晨靜樹木園睇夜燈，爸爸話天寒地凍，會凍親小朋友，不如改最凍呢日去愛寶算。所以，經王子大飯店既RECEPTION 幫我地打愛寶樂園既HOTLINE 約左SHUTTLE BUS，由明洞直去愛寶。

之前黎愛寶，SHUTTLE BUS都無明洞站既。唔知幾時開始，新加左明洞站出車，仲要係正我地入住既王子大飯店門口上車喎。超正啦。加埋，官網COUPON印左呢日係最後一日可以享有30,000WON來回SHUTTLE 包入場費既優惠。抵到爛呀。咁索性呢日去愛寶啦。

一家四口，重臨愛寶，一點都唔陌生呀。爸爸呢次都唔駛地圖，已經識行。勁。

之前未試過坐CABLE CAR 橫過樂園。呢次試下先⋯⋯

一落CABLE CAR，已經係機動遊戲區。三父子女，齊心合力玩盡每個遊戲。（尾二藍色衫咪係Isaac 囉）

媽媽只有影相的份兒。

Claire: YEAH～～～呢個好刺激呀⋯⋯

Isaac: 嘩⋯⋯好高呀⋯⋯

唔知係咪凍既關係，定係呢日係情人節，額係覺得呢日無之前秋天黎咁人來人往。隨手影張歐洲FEEL既相，路人都無個。

睇下，又係人影都無隻。

Isaac: 我同妹妹唔係人咩⋯⋯

好小朋友FEEL既轉轉杯⋯⋯又係無乜人玩。幾乎玩乜都唔駛排隊。

媽媽幾鐘意愛寶，因為成個樂園充滿著童話味道⋯⋯

媽媽： 睇下，後面咪係大灰狼同七隻小羊囉⋯⋯

其實呢日真係好鬼凍囉⋯⋯我地仲要戶外咁玩。老老實實，媽媽兩腳已經塞左暖包，雙腳都貼左暖包⋯⋯但等呢三位玩機動遊戲時，係無得呢埋係INDOOR⋯⋯幾乎凍到變雪條。好凍呀⋯⋯對住個暖爐都唔得掂。

凍得我騰騰震呀⋯⋯嘩，呢間屋咁得意既⋯⋯原來裡面有個室內暖爐⋯⋯忽然覺得好似中左奬咁，媽媽有救了。

Claire: 媽咪，上面有隻狼呀⋯⋯
媽咪： 係喎⋯⋯入面仲有滑梯tTIM呀。不如入去啦⋯⋯（其實想入去暖下個身）

玩完室外，終於有D室內遊戲了。可以避下寒。

仲有TAYO巴士。估唔到Claire 話要試坐。反而哥哥就唔想玩。

但呢個呢，Isaac 居然話要玩喎。吖，估佢唔到喎。

Isaac: 我架車個碌會發光架⋯⋯
Claire： 係喎，好光喎⋯⋯

呢座室內兒童遊戲室，除左TAYO同少量機動遊戲外，下層仲有個好BABY既PLAYROOM，不過我地無玩。兩兄妹反而對打機有興趣多D。

Isaac: 嘩⋯⋯乜D動作咁難做架

Claire: 等我渣車出動，捉壞人先⋯⋯

玩完室內，又要返回現實⋯⋯現實有幾凍？？忘記左，不過，睇呢個池塘，大家應該估到有幾凍掛⋯⋯成個池塘變哂冰。

咦咦咦⋯⋯忽然下雪呀⋯⋯雖然只係好輕量既雪。不過已經叫呢位小妹妹好開心，係度追雪。都話天氣報告話，呢日最凍架啦。

Claire: 哈哈，白兔連我都跑唔贏，我真係好叻呀。不過真係好凍呀，凍到我手指硬左，唔識做V。

忽然有間冰屋係路上，真係好襯個左氣既姐。咦，兩兄妹唔通趁機入去避寒？

哦，原來有隻BEAR係度。

現實生活，我地砌唔到咁大個雪人，唯有同咁高大既雪人影合照啦。

黃昏過後，忽然下起好密既雪。爸爸話叫Isaac 試下幫爸媽影合照。忽然⋯⋯有個攝石人出現，係都要入埋鏡。

媽媽： 哈哈，趁Claire 未跑埋黎，我地影左先。

話咁快，已經多左個人仔出現。

愛寶樂園真係好吸引，好令人興奮。呢個係香港迪士尼做唔到既，就係佢地表演人員好多笑容，EVEN 機動遊戲操作員都好，佢地係邊UN歌跳舞做動作邊負責控制機動遊戲的。真係可以帶起成個氣氛，令到遊客都覺得好開心呀。

睇，Isaac 笑得幾咁開心。

又有雪了。有個傻豬擘大口想食雪。

Isaac: 你係咪想食雪呀？
Claire: 係呀，但媽咪見到，會鬧架⋯⋯

拿拿拿，有相為証呀。爸爸明明叫媽媽影雙人照。又有個小朋友走入鏡。

Claire: 我鐘意媽咪架⋯⋯（每次都係呢句）

幾難得先影到成棵聖誕樹既二人照。

按爸爸指示，三人齊心跳喎。

咪睇呢棵樹咁矮，好普通咁。

原來裡面有燈飾架⋯⋯

仲識轉色架，好浪漫呀⋯⋯

浪漫過後，忽然有兩隻小天仙出現⋯⋯

係時候要走了⋯⋯爸爸諗住坐吊車走⋯⋯點知天雪關係，提早關門，我地唯有步行上山，行返去入口個度坐車走。走既時候，影到兩兄妹好可愛咁又追雪玩（點此）。

當媽媽妹妹走左係前面之際，爸爸身邊忽然出現左條鯊魚⋯⋯

臨走，梗係要影多張"夜景燈飾"合照。証明我地天寒地凍時黎過吖嘛。

之後，要揾返個相同背景，再影多次家庭照⋯⋯

因為，一年前，我地都黎過架嘛⋯⋯好明顯，當年兒女仲好細。今次再黎，兒女們已經長得好大了。

再見了，愛寶樂園。下次再黎探你啦。