首爾SHOPPING。玩雪之旅 2016。DAY 1 晚上抵達篇

11 Feb 16 呢日出發去首爾，因為一年前先係韓國返黎。所以，呢次行程，我地目的主要係SHOPPING同玩雪。之前試過半夜去，真係辛苦過擔泥，瞓幾晚都仲好攰。至慘係小朋友，連續幾日無覺好瞓咁。所以，同爸爸商量過後，我地決定呢次坐傍晚機去，寧願去到瞓覺，至少精精神神出發去玩。

今次我地唔住SEOUL STATION，因為爸爸話住個頭，無啖好食喎。所以，我地改為住明洞站。仲比媽媽揾到間係正明洞商店街同埋地鐵站口既王子大飯店⋯⋯最正係當時有三人房。真係FIT哂我地一行四人既家庭。王子大飯店地理位置真係一流，價錢係明洞但唔係貴喎。房間仲好企理TIM。

因為我地好夜先抵達，淨係排出境都排左超過一個鐘。著哂羽絨打哂底⋯⋯係暖氣地方等，真係有想暈既濕透感覺（汗流脥背）。

CHECK IN完即刻放低行李，彈落街食紫菜包飯天國。因為之前已經食過一次，所以呢次都無乜特別影相，快快趣醫好個肚就返歸瞓。

返酒店前，當然唔少得去超巿買零食。我地住既酒店，對正明洞超巿，之前係韓巢網PRINT左COUPON 出黎，咪順便去佢度掃貨返酒店食。

嘩⋯⋯呢度既飲品，唔係一晚飲哂。係幾日既⋯⋯

 下面既兩盒餅真係好味⋯⋯當時香港仲未有得買架⋯⋯不過，今時今日，已經賣到成行成巿了。