小妹妹體能進步記

7 Jan 16 呢日媽媽煮緊飯，忽然聽到有小朋友係廳到玩遊戲，扮拎奬品。出黎裝下乜事啦，咦，有個妹妹拎住份奬品擺哂POSE扮拎奬喎。好可愛呀。

9 Jan 16 呢日完左教會，巡例落樓下公園放一陣電。有個人話扮樹熊喎⋯⋯

至於另一個，嘩⋯⋯好驚呀⋯⋯面容扭曲，呢條彎攀架，對佢黎講，可能真係難左少少喎⋯⋯咦，但係四個月後去同一個地方，呢位小妹妹居然由上面爬返落黎。估唔到幾個月，Claire 體能進步左咁多。

Claire: 我好驚呀⋯⋯快D黎幫我啦。

 呢個公園有個好處，就係好多膽量挑戰既設施。其實玩得多，唔單止膽量大，佢地手眼協調同大肌肉都會好D架。

玩完公園去食飯，黃昏，我地去埋單車公園踩一陣車。嘩，起步同自駕都無問題既Claire，踩起車黎，寧舍自信過人架。

Claire: 媽咪，我叻過你呀⋯⋯