首爾 SHOPPING。玩雪之旅 2016。 DAY 2。明洞閒逛。CAFE COIN

12 Feb 16 呢日明洞落住雨，好在我地PLAN左呢日只係SHOPPING，所以無影響。難為明洞街上既宣傳人員，咁大雨都仲要呆企爭生意。

係囉，嗚嗚⋯⋯好想喊呀⋯⋯

本黎呢個下午係打算去高速客運站個SHOPPING MALL燒錢既。但時間關係，爸爸話改下次鬆動時間先去喎。咁呢⋯⋯我地就係明洞行下街仔，食下雪糕。

之前睇網絡，見CAFE COIN 既綠茶雪糕好正⋯⋯之前食過O'Sulloc Tea House，認真唔識欣賞，今次黎韓國，就試下另一人氣CAFE COIN。嘩，唔揾唔知，原來門面咁高級咁⋯⋯搞到唔敢入TIM。

入口不是正後面呀⋯⋯係後上方⋯⋯要撐樓梯級的。好外國FEEL呀⋯⋯

門面都已經嚇親，點知入到去，仲呆左⋯⋯

好難想像，只係食雪糕既地方囉⋯⋯請問收費幾多呀⋯⋯？？？？真係香港既話，唔敢入去幫襯。不過，韓國好多CAFE都係咁，好高級好寧靜，可以比人磨一個下午。

Claire: 咁呢度可唔可以比我同哥哥玩一個下午架？

不過，我地此行目的唔係嘆咖啡，而係試佢聞名既綠茶雪糕。圖中係MINI份量，其實都好夠食。

圖中既件裝旦糕同咖啡，係TEA SET 黎既。呢個TEA SET仲包埋下邊呢一球雪糕。

WELL，好唔好食，見人見智。下次我就唔會再黎。又貴又無乜綠茶味。都係日本既綠茶香濃好多。

食完雪糕，距離食晚飯仲有一段時間，我地又繼續係明洞逛下。路經呢檔好多人幫襯既鯛魚燒，有唔同味道，分別係奶皇、紅豆。

一人一塊，剛剛好。

Isaac: 嘩⋯⋯我食魚呀⋯⋯

逛完明洞，我地就出發去食晚餐了。